上半场无拣到货，事关喺小时图上见 $HSI(HSI)$ 行出「三角形」物体，同时保历加通道口收窄。不过10点打后情况就有所不同，小时图上见到保历加通道口停止收窄嘅同时，指数亦上破「三角形」。再拆翻开五分钟图见指数借10线行出「圆底」后仲要破埋颈线，仲要上到去㖊日开市个位附近，升幅扩大至逾300点，见指数企喺18800点附近横行到上半场完场为止。 本来谂住港股都系垃圾嘅，见到咁嘅情况都系停一停，谂一谂。因为睇返日线图上见指数低位确实系出现咗「早晨之星」，但问题在于㖊日嗰支阳烛(㖊日港股系升，所以系阳烛)系实心(因为高开低走，所以系实心)，咁样嘅「早晨之星」确实系要打个五折；或者佢系借埋今日Slow STC(14,3)触底啦，嗰五折或者打得多咗。 今日指数再上，假如收市时仍然keep住呢个升幅的话，按今日恒指牛熊证街货图见，指数再次重上靠近熊证街货层，而第一层熊证见19000至19099点，呢度有相当于699张期指，第二层19100至19199点就有相当于1058张期指街货。至于下方第一层嘅牛证18200至18299点都有1418张期指街货，两边都见重货，变成用距离去量度的话，都真系向上杀熊机会比较高。 睇多次日线图，10线见18901点，换言之指数如果保持上行杀熊的话，点都要先过10线先至有肉食；当然，今日见都有新熊上市，只系唔知储到有几多货出嚟啫，多嘅，个市真系唔会同你客气；唯一要考虑嘅系牛熊街货距离再次迫近啦。 作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。

㖊日拣咗只 $JP#HSI RC2512D.C(68070)$ 出嚟，喺下昼见指数于中轴有支持就选择进取出场，平均买入价为0.053元，顺便set埋以中轴位做量度线。 落场后大家都知都下半场往往比上半场行得慢，但唔紧要，方向啱就得啦，喺落场后计，指数大约用咗差不多一个钟嘅时间咬住保历加中轴慢行，去到2点半忽然跳高，将恒指一下子迫上19300点，同时将19200至19299点嘅熊证全数吞埋，嗰度都有600几张期指街货架。 由于中轴未失，所以(68070)继续在手，呢啲忽然破位出现如果你都有货的话，其实系可以爬完格仔走人。一直持货至最后10分钟，见指数高位回落返去靠近中轴水平，如常的喺收市前10分钟指数都无触及过量度线的话，望望你自己手上嗰注，如果你认为只系一杯珍奶咁大注嘅话，你可以选择过夜；反之即时走人今晚发生咩都唔关你事。 而呢度嘅作风向来都系唔过夜(纯綷个人比较钟意有觉好瞓)，以3点50分起计10分钟作为走货时间，期内(68070)高低位做过0.064元/0.062元，即平均走货价为0.063元，一计之下，呢个下午平均都爬到10格/18.87%返嚟，闷声发财...算唔算发财先？ 今朝前所未有咁早弹起，事关块面出咗一挞湿疹，搽咗一个星期类固醇都未好晒，今朝诊所未开已经排定队，到诊所开咗半个钟唔够，成个诊所已经坐满晒，姑娘话依家排筹排到第40个，真系好生意过港交所(00388)。还好9点半未到已经贴完医生，仲祝我手术成功，翁医生你好Sweet呀！ 恒指今早开市微跌17点，开市报19289点，呢个点数确实是无咩可以做。到恒指开市之后见佢稍稍向下，但落到五分钟图保历加通道底线后又再弹返上去，依家10点11分，指数暂时最高见过19432点，将熊证第一层街货全数收回，不过呢度相当于25张期指，

㖊日数过牛熊证街货，估计 $HSI(HSI)$ 大幅向下嘅同时，熊证未出得切贴熊之下，出现单边行嘅机会率会比较高。 今朝U盘都未开就睇咗个街货图(同作战室战友每日如是)。一开见到熊证新层街货落到19000至19099点，但最贴价嘅呢层同恒指现价有逾500几点距离；而牛证就精彩啰，最贴价被追落到18400至18499点，连同第二层嘅18300至18399点，已经有两层每层各有过千张期指街货坐喺度，贴价重镇区，你班友博反弹啫，唔系博老命呀！ 另外，18000至18099点呢度亦见过千张期指街货重货，合理嘅，㖊日都预咗啦，呢啲齐点数大关口位，有乜可能唔摆重货？！   终于等到完U，恒指开市跌97点，报18435点。呢个开市跌幅湿碎啦，但意义在于指数一开市已经踩返入牛证街货层，首两层街货知佢咩料啦，作战室第一注淡仓出动顺街货而行，未几，指数将18400至18499点全层牛证扫清，等紧18300至18399点几时扫清埋佢啫。 时间嚟到9点47分，五分钟图上嘅Slow STC(14,3)当然行紧超卖再超卖啦，至于小时图方面，其实条Slow STC(14,3)由㖊日到依家已经行紧超卖再超卖，不过保历加通道口目前见仍然拓阔中，所以Slow STC(14,3)仲有条件出超卖再超卖，一旦保历加通道顶线向下，整条保历加通道亦同时会变成向下运行，咁指数同Slow STC(14,3)出现触底嘅机会就会增加返，现法就要变成出动Swing Trade啦。 Patreon作战室实七天免费试用已经开放！详见《轮证赢家》FB/Patreon 喺咁多牛证街货等收回嘅预期下行市之中出好仓博行Swing绝对系冒险行为，作战室淡仓一早开定等跌，而呢度亦都应该选择顺势而行，吼得到指数喺五分钟图上中轴或保历加顶线唔过，甚

今朝拣咗只 $JP#HSI RC2508O.C(67829)$ ，谂住 $HSI(HSI)$ 今日点都会做返好少少挂，Set好小时图Slow STC(14,3)触底的话就出动，已经谂住跌少啲嘅情况下出牛证其实都会有赢。 点知恒指都真系咁无鬼用，喺五分钟图见指数行出「圆顶」物体都心知不妙，于是指数未踩到落到「圆顶」颈线时已经喺作战室叫好仓走咗先，转个头指数失心疯向下穿过「圆顶」颈线，将跌幅扩到犹如黄河泛滥，一发不可收拾。反手淡仓出动嘅亦见有战友做咗，多谢呢个黄河泛滥，淡仓反手十几格亨松落袋，就算扣埋朝早嘅好仓注失手，都仲有正数喺度 。 Patreon作战室实七天免费试用已经开放！详见《轮证赢家》FB/Patreon 指数喺上半场做出低位18503点，将首五层牛证街货全数收回，呢度有相当于3731张期指街货。至于18500至18599点，确实仲有3点Hp值喺度，数目上收回价18500点嘅牛证，喺市场上有12只喺度，但坦白讲同全数死亡都无乜分别，如果将呢层全数街货1242张期指加埋上去嘅话，即今日指数吞咗4973张期指落肚，好似条蛇吞咗只羊咁，几个星期都可以唔驶食嘢。 再睇埋熊证街货情况。目前最贴价熊证收回价为19050点，换言之听日返嚟睇街货的话，熊证最贴价层会落到去19000至19099点，同现价有大约逾500点距离。假设今日指数仍然保留住嗰2点Hp值的话，咁听日返嚟牛证仲见到18500至18599点，牛熊两边街货距离再次擘阔，中间差距大约500点左右，话多唔多(今日无啦啦都无近600点啦，呢个点数系可以一步到位)，话少亦都唔算少(对比之前闷到疯都发唔到嚟讲)。 如果指数仍然以早杀早享受嘅心态应

㖊日拣咗只 $HS#HSI RP2602J.P(67696)$ ，㖊日最后一小时发出买入讯号，平均买入价为0.041元。只熊带到今朝，本来谂住五分钟图Slow STC(14,3)两线回落至超卖水平之后，当行完一趟Swing Trade就走，结果呢个超卖几乎行咗一个朝早，去到11点35分时Slow STC(14,3)两线高于20以上，数值上已经离开咗超卖范围(有啲人系用30/70以量度超卖/超买，但我惯常用20/80)，换言之由今朝早至11点35分呢段时间，Slow STC(14,3)全程都处于超卖状态，边一个位走真系随得你，因为点计都系正数。 以今朝9点半起计至11点35分，期间(67696)高低位做过0.069元/0.044元，平均沽货价为0.0565元，一计之下呢趟过夜熊仔平均吞15.5格/37.8%，呢啲幅度过夜先值架嘛！ 依家1点20分， $HSI(HSI)$ 跌幅略为收窄，依家见跌256点，报18195点，呢个朝早指数吞咗嘅街货都唔系好多，有相当于112张期指，最贴价牛落返去18800至18899点，重货区18700至18799点要睇下听日返嚟仲见唔见。 至于熊证方面，暂时未见有新熊街货层出现，今日新增嗰两只都仲系喺19200至19299点嘅街货层里面，换言之听日返嚟会见到最贴价熊为19200至19299点，而牛证则为18800至18899点(如果今日18800点守得住的话)，咁计都只系争四层街货左右，未算擘到好阔，至少唔系早几日见到嘅争成800至900几点距离先啦。 作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分

上个星期五(11月17日)以平均买入价0.026元买咗只 $BP#HSI RP2605O.P(59540)$ ，本身Set好以五分钟图10线做量度线架啦，佢有上过架，但两步路又被20线挡住，坦白讲只(59540)又未系好有肉食，反正整条保历加通道打横行，上移中轴作量度线亦都系平时见保历加横行时会用得上嘅量度线，少少转阵；但如果你唔系睇住个市嘅话，其实嗰10点嘅高度真系唔多觉。下半场我都有嘢要做，一边做一边用手机睇住个市嘅走势，个脑大约记住条指数行到边、自己目标价系边、有无失心疯飞咗唔知边度外太空呢三样就得架啦。去到1点40分左右，眼尾望到本来跌370几至380点架嘛，忽然向下「大跌」20点见跌够400点有多㖞(系呀，㖊日条保历加底线至中轴得32点左右高，咁你话佢郁20点系咪已经好大比例啦)，呢个时侯先至放低手上嘅工作睇返个走势图(话就话Day Trade要睇到个市实啲啫，又未到于目不转睛嘅)，见指数终于向住日线图20线出发仲要到步㖞，(59540)走得。如常用10分钟作为走货时间的话，按1点40分至1点50分期间。(59540)高低位做过0.029元/0.028元，平均走货价为0.0285元。平均执2.5格或9.62%，我下次会拣贴啲架啦。呢两日失气都比较清凉，还好晏昼都仲有少少太阳，我家肥猫都仲可以晒住太阳暖少少，就连 $HSI(HSI)$ 都好似回暖返，今朝开市升171点，报17625点。不过嚟到依家9点49分，呢口开市价暂时变成指数今日高位，高开低走之下恒指依家升幅收窄至升125点，报17579点，不过，今朝指数开市首半个钟都仍然喺呢个范围上上落落，作战室第一注都仲有举棋不定，未有方向真系落唔到手。

㖊日将只过夜熊袋袋平安之后，就无再理到个市咁滞，事关都唔到我去理，横行情况持续至完场，明明个市系开紧都唔努力啲游两下，同呃饭食都无乜分别。 嚟到6月最后一个交易日，今朝 $HSI(HSI)$ 低开52点，开市报18881点，呢口价将指数再次推近牛证街货层，因为第一层已经系18800至18899点，呢度有相当于260张期指街货，而本身为重货区嘅18700至18799点，今日见里面已经有相当于1000张期指街货走咗佬，而18500至18599点嗰984张期指升咁上神台做重货区。至于熊证方面，第一层19200至19299点虽然同指数靠近返，但喺「市底弱，反弹只系开Put嘅入口位」之下，呢层已经变成最多新增+重货区。 依家9点46分，恒指由跌转升再升转跌都唔知转咗几多次就知今日系要斗耐性(大获！由细到大最缺嘅就系耐性！) 再等到依家9点58分，喺五分钟图上似见到指数有一个似样啲嘅方向，作战室等咗好耐见至出到第一离好仓，不过过一阵之后阿市又再见软皮蛇，咁样嘅市怪不得全地球都疯狂Put只 $Hong Kong Exchanges and Clearing(00388)$ 。 日线图上见，港交所股价于300元边皮生咗个「小圆顶」出嚟，颈线位放喺大约296元位置，五条平均线更系一早就无晒啦，10天线同现价仲有少少距离，落到嚟而做多次阻力的话，去返5月31日嘅低位282.2元都唔出奇；只系目前日线图见保历加通道口收窄中，暂时限制住股价下行空间。 唔计今日，港股已经连续七日成交额低于千亿，有心有力但无水都真系搞唔掂，万一保历加通道口唔再收窄，打平甚至重新拓阔的话，Slow STC(14,3)则有机条件出到超卖再超卖

上个星期五(6月16日))拣咗只 $UB#HSI RC2511V.C(66731)$ 出嚟，连续第N日出动好仓，平均买入价为0.0515元，Set好以五分钟图20线作为量度线；反而无Set目标价，好似向来都系自己觉得够就走，然后一到量度线，有理无理都要走。 交稿时仲见 $HSI(HSI)$ 高位去到19999点，交稿后指数已经回完气上破20000点水平，作战室好仓一早部署好晒，一飙到上20000点之后大家陆续翻牌食糊，之后仲愈嚟愈贪，打算博到上日线图嘅100线，不过喺大约1点50分同1点55分，五分钟图见20153点「平顶」后都开始散埋个水尾；而指数亦喺2点10分左右稍稍向下至失五分钟10线，触发咗(66731)走货嘅讯号。以此起计10分钟作为走货时间，即由2点10分至2点20分，期内(66731)高低位做过0.071元/0.067元，平均走货价为0.069元，呢一趟平均大吃17.5格或33.98%；借问声呢个月系咪可以收工啦？ 可能上个星期五指数抢到上20000点楼上，而日线图SLow STC(14,3)两线又见严重超买，今朝指数都要回一回，先低开56点，报19983点。到正式开市之后，指数向下再跌多几十点，预咗嘅，因为日线图100天线做紧阻力，但见五分钟图有100线喺下方等指数落嚟，同时小时图10线亦作势想托一托咁。 依家9点39分，指数变化唔大，目前跌74点，报19966点，作战室未有动静，皆因等紧指数向下回落到五分钟100线/小时图10线时佢出唔出触底，佢唔出触底嘅话，淡仓侍候。 嚟到9点44分，指数跌幅有见扩大，依家见跌138点，报19901点，作战室淡仓出动咗之后仍然步步为营，皆因目前五分

㖊日轻松食咗只 $JP#HSI RC2510F.C(66061)$ ，平均赚幅有12.5格或23.58%，余下嘅时间都系等收市。 依家9点13分，天文台话今日会有狂风雷暴，屋企人都关心我家肥猫会唔会好惊；但我发觉佢开始喺狂风暴雨嘅日子，由初初会暱喺台底，到依家大摇大摆喺屋企里面行嚟行去，出面有出面嘅行雷，佢有佢喺梳化亮出个肚腩仔午睡。 $HSI(HSI)$ 未完U，作战室已经差唔多人齐咁滞，未睇分钟同小时图之前，战友Jack开心share咗张图比我，留言「唔知今日破唔破到位呢.....」我再开晒啲平均线出嚟，就见到指数㖊日高位19572点同㖊日嘅250天线位置(19583点)差唔多，即系又嚟挑战牛熊分界线。 到完U后见指数微升26点，报19547点，日线图上见指数仍然靠近250天线。而每朝早都会喺作战室同战友睇埋五分钟同小时图，都留意到唔止日线图挑战250天线，连小时图嘅250小时线都同指数愈迫愈近。 至正式开市后，指数开高低走后于五分钟图上踩住50分钟线再上冲至暂时(9点41分)高位嘅19592点，呢口价的确系笃穿咗日线图条250天线(今日见19573点)，当然，最后嘅结果就只系出咗条上影线出嚟，然后指数再缩返落啦。但其实换上保历加通道的话，指数同顶线根本仲有一截距离，Slow STC(14,3)两线目前处于超买至严重超买范围，即系话指数其实系仲系上行空间，问题系有无力。(有位唔一定要上嘅) 10点未到，恒指攻到上19600点楼上，第一层熊证街货层19500至19599点重数死亡，呢层由㖊日嘅重货区变成今日嘅只有相当于3张期指嘅街货区，收唔收其实都无乜所谓，犹如等开饭时食咗一粒花生咁嘅分量。去到1

㖊日拣咗只 $JP#HSI RP2512L.P(67540)$ ，平均买入价为0.066元，一早已经Plan定用小时图50线做目标，但同时间Set定以五分钟图第二级嘅「长方形」顶线作为量度线。 去到大约下半场1点30分左右， $HSI(HSI)$ 上破咗第二级嘅「长方形」顶线，触发咗(67540)走货讯号。而如果有留意到保历加通道口走势，或者啱咁Miss咗呢个moment的话，其实(67540)系唔需要执包伏走。一来小时图有条150线(约19184点)，刚好顶住指数嘅高位；二来比多少少时间指数的话，喺18180点出现咗「平顶」，而呢个位又同150小时线好近㖞；三来，保历加通道口都无拓阔过，Slow STC(14,3)两线都上到靠近超买水平，触顶向下嘅机会好大，随时指数被推返落去第二级嘅「长方形」顶线以下水平。 不过，喺呢度Set咗个止蚀位喺边就喺边，触发咗严守策略嘅大条件下，(67540)应当离场。按1点30分起计10分钟作为走货时间的话，即1点30分至1点40分，(67540)高低位做过0.068元/0.066元计，平均走货价为0.067元，被吓一吓还好叫做有一格平返手续费，当无事发生。 之后发生咩事？之后咪指数向下再次落返去第二级嘅「长方形」底线，最后仲穿埋19100点楼下，如果嗰啲位走嘅话，(67540)当然唔止和手续费咁简单，但未去到嗰个位又点知个市系点行呢，严守策略总有佢嘅好处。 如果再揸埋过夜嘅话，今朝恒指开市跌逾200点应该绝对揭高(67540)嘅证价。不过，到正式开市后，指数即见低开高走。依家9点42分，跌幅一度缩窄到160几点左右，但依家又再回返少少，咬住18900点附近。 以

今朝拣咗只 $HS#HSI RP2602J.P(67696)$ ，计划等埋小时图10线先，如是穿得过先再出手。 有睇到今日个市嘅都知道， $HSI(HSI)$ 今朝落到19019点之后就回升，一回就倒升嗰只，最高弹返上19222点，刚好同日线图中轴一样，而呢口价亦都叫做踩过入熊证第一层街货19200至19299点。将所有恒指熊证拆开嚟睇嘅话，暂时未有任何街货有损伤，因为目前有街货而最贴价嘅熊证，收回价见19250点，同上半场高位只系争28点，如果到依家都仲揸住喺手嘅话，一系心脏异常强大，一系就成个朝早都开紧会，根本就无睇到个市。 至于小时图条10线，系有穿过但已经变成下影线，指数摆位亦无低过10线以下，变相(67696)出唔到场。而小时图上见10小时线反过来变成指数嘅支持线，将恒指一下子推高至过埋150线，虽然上半场结束时见指数都只系得条上影线留喺150线之上，不过，如果下半场指数仍然靠住呢条10小时线的话，怕且恒指随时再挑战多次日线图20天线，唔止要高过佢，至少，要比㖊日收市价高4点，即见19230先至可以摆脱埋出「平顶」嘅可能。 嚟到下半场开市，第一件事系𥄫住五分钟图上嘅100线，事关呢条线为今朝指数提供支持，如果连佢都无埋嘅话，作战室随时开出极短线淡仓。 再睇返小时图，午后见指数终于都失守10线，而目前保历加通道仍然保持横行中。换言之暂时可以借150小时线嘅阻力向下博推返指数落中轴位。要预咗下半场步速会比上半场为低。万事俱备，只欠五分钟条保历加底线啫，佢唔向下嘅话，咁指数同Slow STC(14,3)随时出触底，将指数推返上去，一系等多次五分钟图Slow STC(14,3)上返超买再出当

上星期五(7月7日)喺下半场开下就拣咗 $Hong Kong Exchanges and Clearing(00388)$ 嘅熊证(68282)出嚟，谂住借五分钟图Slow STC(14,3) Swing Trade一趟就收工。可惜最后Slow STC(14,3)两线都未能上到超买就已经掉头向下，策略上(68282)出唔到。唔紧要，反正亦都有讲过港交所日线图喺上个星期五低位见280.8元，同5月底嘅低位282.2元相约，形态上虽然唔系一个「圆顶」，不过两只脚仔同步都喺一个差唔多嘅水平见下影线，底线生成，再大胆沽港交所落去嘅话，都真系要过咗条底线先比较稳阵。 仲有1分钟先至完U，睇咗个牛熊证街货图先。见今日两边都未有新增街货层出现，而牛证第一层见到有唔少勇士进场，将第一层街货18200至18299点储到上过千张期指街货；另外，齐口点数嘅18000至18099点亦如预期见过千张期指街货。至于熊证方面，第一层见19000至19099点，同现价真系争十万八千里，而呢层有相当于495张期指街货，的确系比对家嘅牛证少，咁足以反映到大家博反弹嘅心态。 $HSI(HSI)$ 今日亦不负大家所托，开市升381点，开市报18747点，呢口价将指数由原先靠近牛证重货区变成迫返上靠近熊证街货层，上个星期恒指鲸吞咗逾5000张期指，假如未够饱而又要再扫街货的，怕且都未必死冲烂冲上去熊证嗰边，因为如果要将第一层嘅熊证19000至19099点全清的话，则指数最低都要上到19100点，以开市价作为起标计，即系要再升多353点，连同U盘后嘅38点升幅，即系话个市要升734点先至食到嗰495张期指街货。哈利，就算有爱但无成交同无催

星期三(6月21日) $HSI(HSI)$ 大裂口下行之后，几乎都系喺低位横行等收市，假期嘛，今日A股都系继续休息，北水暂停下，怕且港股都可能开一开市之后又系等收市。 依家9点4分，U盘行紧都见到唔少股份见红。先睇恒指牛熊证街货图，见今日两边都未有新增街货层，熊证最贴价为19800至19899点，同星期三收市价有逾500点距离；至于牛证最贴价见19100至19199点，同现价当然近，而且呢层储咗成千张期指街货，变成最多新增同重货区。向下数落去啲牛证街货层都有唔少货喺度，足以反映博反弹心态有几高。 都啱嘅，技术上恒指连跌三日之后，指数目前于日线图上踩住保历加中轴，博中轴见支持非常合理，虽然Slow STC(14,3)两线仍然向下，不过日线保历加通道目前横行中，由顶线开始出现触顶向下回落去，问题系踩中轴就完呢趟Swing，还是要过埋中轴，落返去保历加底线/Slow STC(14,3)到超卖先至安落。 嚟到依家9点27分，恒指完U开跌83点，点数唔算多但报19135点呢口价，将19100至19199点嘅重货牛打到得返35点生命值，而且再落嘅19000至19199点呢层都有成900几张期指街。另一方面，恒指呢口开市价摆位上已经低于日线图保历加中轴，兼低走埋五条主要平垮方线。当然佢今日系有权爬返上去串住条中轴，之后嘅事之后再算，不过喺市场未见有咩好消息嘅情况之下，都系唔好抱住咁大嘅博反弹心态。 果然真系唔好同街货作对，恒指开市只系用咗四分钟时间就将首两层牛证街货全数吞落肚，呢两层夹埋有相当于2221张期指，依家9点44分，恒指最低做过18909点，当佢第三层死埋都仲可以。然而，由五分钟图开始画到去日线图都完全拉唔到线，佢咁狼我都唔客气喺日线图揾到一个6月2日嘅上升裂口Mark一Mark住，呢个裂口喺1