㖊日拣咗只 $HS#HSI RP2602J.P(67696)$ ，原先计划等指数确认向下穿过小时图10线之后就出动，不过等咗一个上半场都未见佢向下穿，反而仲被指数踩住上，唯有变阵试等五分钟图Slow STC(14,3)上返超买再出当行一趟Swing。终于，喺㖊日3点钟见五分钟图Slow STC(14,3)两线上到80以上嘅超买位水平，(67696)发出咗可以落场嘅讯号，不过，呢个钟数出动的话，要有过夜准备，所以注码上同Day Trade嘅有所唔同(自己衡量下啦)。
按㖊日3点起见Slow STC(14,3)两线超买至3点15分后见回，喺呢15分内出只(67696)嘅话，以期内高低位做过0.042元/0.04元，即平均买入价为0.041元。
去到完场时，指数稍稍向下，而Slow STC(14,3)两线亦回落至中轴水平，两线保持向下都还安心少少。
不过，今日系月结+季结+半年结日，按照传统 $HSI(HSI)$ 都会喺呢啲期结日前做返好少少，再加上战友捷醒大家临近回归，中港股市造好亦系「正常」，所以今朝恒指开市微升8点时都咪话唔怯一怯。但到正式开市后，第一粒烛「大阴烛」向下杀到五分钟保历加底线后，第二粒烛回稳但唔过中轴，第三粒烛想同佢做「平底」但最后失败，于是喺作战室玩即日Trade嘅就胆大心细地开出第一注小注淡仓；过夜淡仓嘅就继续。
嚟到依家10点10分，指数似乎都无乜理会到今日系咩日子，恒指升转跌向下跌193点，报18978点，暂时最低见过18952点，跌逾210点，而五分钟图嘅Slow STC(14,3)两线仍然处于超卖水平，行紧超卖再超卖架啦，换言之只过夜(67696)几时走都真系随便你。
贪心鬼想再Hold落去的话，依家小时图见失守中轴其实系有条件变佛系嘅，不过，都Alert一下五分钟图Slow STC(14,3)可能同指数一齐出触底，事关开始见到保历加顶线向下，用五分钟图10线作为量度线系可以嘅；唔过线咪等到小时图保历加底线啰。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论