【轮证下半Part】等位入

今朝拣咗只 $UB#HSI RP2602K.P(67442)$ 出嚟，今次有少少贪心，皆因见到 $HSI(HSI)$ 喺日线图上低走于保历加中轴，所以好贪心地出淡仓博指数同Slow STC(14,3)一齐向下Swing返落去裂口水平/超卖位。既然要部署咁耐，所以都想等一个好啲嘅价先至出手，于是就计划等五分钟图Slow STC(14,3)上返超买位时，同步点数摆位仍然低于日线中轴的话，(67442)就出动。

讲紧出(67442)系两个条件，第一，五分钟图Slow STC(14,3)处超买；第二，指数要keep住低于日线图保历加中轴。依家1点15分，下半场开市仍见指数跌370至380点左右，第二个条件系由一开市到依家都符合得到，唯独是第一个条件今日从来都未出现过。系呀，依家Slow STC(14,3)两线见50几至60几已经系今日最高嘅水平，当然可能喺稍后嘅时间都有可能见到，只系留意返今日系星期五，呢注过夜系要过Weekend，虽然以目前好贪心咁Set(67442)嘅目标价可能仲有好多个夜要过，但Weekend有少少唔同，讲紧无仇报足两日咁多，注码上就留意一下啦。 

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。