星期三(6月21日) $HSI(HSI)$ 大裂口下行之后，几乎都系喺低位横行等收市，假期嘛，今日A股都系继续休息，北水暂停下，怕且港股都可能开一开市之后又系等收市。
依家9点4分，U盘行紧都见到唔少股份见红。先睇恒指牛熊证街货图，见今日两边都未有新增街货层，熊证最贴价为19800至19899点，同星期三收市价有逾500点距离；至于牛证最贴价见19100至19199点，同现价当然近，而且呢层储咗成千张期指街货，变成最多新增同重货区。向下数落去啲牛证街货层都有唔少货喺度，足以反映博反弹心态有几高。
都啱嘅，技术上恒指连跌三日之后，指数目前于日线图上踩住保历加中轴，博中轴见支持非常合理，虽然Slow STC(14,3)两线仍然向下，不过日线保历加通道目前横行中，由顶线开始出现触顶向下回落去，问题系踩中轴就完呢趟Swing，还是要过埋中轴，落返去保历加底线/Slow STC(14,3)到超卖先至安落。
嚟到依家9点27分，恒指完U开跌83点，点数唔算多但报19135点呢口价，将19100至19199点嘅重货牛打到得返35点生命值，而且再落嘅19000至19199点呢层都有成900几张期指街。另一方面，恒指呢口开市价摆位上已经低于日线图保历加中轴，兼低走埋五条主要平垮方线。当然佢今日系有权爬返上去串住条中轴，之后嘅事之后再算，不过喺市场未见有咩好消息嘅情况之下，都系唔好抱住咁大嘅博反弹心态。
果然真系唔好同街货作对，恒指开市只系用咗四分钟时间就将首两层牛证街货全数吞落肚，呢两层夹埋有相当于2221张期指，依家9点44分，恒指最低做过18909点，当佢第三层死埋都仲可以。然而，由五分钟图开始画到去日线图都完全拉唔到线，佢咁狼我都唔客气喺日线图揾到一个6月2日嘅上升裂口Mark一Mark住，呢个裂口喺18465点至18548点。假设指数向下杀到落嚟呢个位，以今日嘅牛熊证街货图计，即当佢冲到落去18400至18499点的话，on top可以再食多3375张期指，滞过我今年食嘅粽嘅总和。
再到9点50分，恒指确认将首三层牛证街货全数收回，3096张期指袋袋平安，作战室亦陆续爬完第一注淡仓，再出淡仓爬落去唔系唔得，而系无今朝开市到依家咁爽啫，同埋多咗个风险系如果之后指数玩完等收市，咁保历加通道口就会由依家拓阔变成横行返，如是者Slow STC(14,3)同指数亦会出现触底再变Swing，条通道有几窄唔系未见识过。
Patreon作战室实七天免费试用已经开放！详见《轮证赢家》FB/Patreon
$UB#HSI RP2602K.P(67442)$ ，收回价19727点，今日新上市所以未见有街货，同现价有逾720点距离，杠杆约24.68倍已经系全港最高，见到个裂口再加埋今日指数失日线中轴，开始起贪念，先等五分钟图Slow STC(14,3)上返超买位先，而如果上到超买位时，点数摆位仍然低于日线中轴的话。(67442)出动，今次试下用日线嚟博指数向下Swing到落底线前嘅裂口位，玩咁耐所以注码上要留意一下。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论