㖊日拣咗只 $JP#HSI RP2512L.P(67540)$ ，平均买入价为0.066元，一早已经Plan定用小时图50线做目标，但同时间Set定以五分钟图第二级嘅「长方形」顶线作为量度线。
去到大约下半场1点30分左右， $HSI(HSI)$ 上破咗第二级嘅「长方形」顶线，触发咗(67540)走货讯号。而如果有留意到保历加通道口走势，或者啱咁Miss咗呢个moment的话，其实(67540)系唔需要执包伏走。一来小时图有条150线(约19184点)，刚好顶住指数嘅高位；二来比多少少时间指数的话，喺18180点出现咗「平顶」，而呢个位又同150小时线好近㖞；三来，保历加通道口都无拓阔过，Slow STC(14,3)两线都上到靠近超买水平，触顶向下嘅机会好大，随时指数被推返落去第二级嘅「长方形」顶线以下水平。
不过，喺呢度Set咗个止蚀位喺边就喺边，触发咗严守策略嘅大条件下，(67540)应当离场。按1点30分起计10分钟作为走货时间的话，即1点30分至1点40分，(67540)高低位做过0.068元/0.066元计，平均走货价为0.067元，被吓一吓还好叫做有一格平返手续费，当无事发生。
之后发生咩事？之后咪指数向下再次落返去第二级嘅「长方形」底线，最后仲穿埋19100点楼下，如果嗰啲位走嘅话，(67540)当然唔止和手续费咁简单，但未去到嗰个位又点知个市系点行呢，严守策略总有佢嘅好处。
如果再揸埋过夜嘅话，今朝恒指开市跌逾200点应该绝对揭高(67540)嘅证价。不过，到正式开市后，指数即见低开高走。依家9点42分，跌幅一度缩窄到160几点左右，但依家又再回返少少，咬住18900点附近。
以今朝恒指开市价18840点(暂时计亦都系今日低位)，已经将牛证首两层街货全数收回，当中包含咗一层过千张期指街货，呢两层夹埋有相当于1324张期指。而将18800至18899点斩开一半以50点为一层的话，18850至18899点呢截其实都无埋，不过呢一截45张期指街货，仲有一大截喺头段。
本以为指数喺开市后会向下冲落去杀埋嗰40点收埋咗嘅707张期指街货，不过，如前文所指指数开市后即见高走，走到依家9点53分，五分钟图生咗个「长方形」出嚟，至于小时图呢，就等紧Slow STC(14,3)出超卖触底。
恒指牛(67829)，收回价18550点，杠杆约有33.8倍。Day Trade够做嘅，作战室偷步好仓应该出晒，事关未到10点已经见五分钟图「长方形」向上突破，只系要Alert住条向下中嘅10线。如果小时图Slow STC(14,3)触底的话，跌少啲嘅情况下出牛证其实都会有赢。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论