㖊日拣咗只 $HSI(HSI)$ $HS#HSI RP2603L.P(68293)$ 出嚟，用咗大约一个钟头借五分钟图嘅Slow STC(14,3)完成咗一次Swing Trade，呢一注平均赚幅有8格或16%，够饮杯红豆冰。其实之后指数都有再向下运行，目标设定以小时图10线嘅话，下半场2点至3点呢度时间见粒烛都有穿过条10线，即证明咗喺呢个钟头内指数系有穿过10线。以10线为18446点计，其实喺2点之后首20分钟指数系低过呢个水平，以达标而走只(68293)的话，按期内(68293)高低位做过0.069元/0.065元计，平均走货价为0.067元，用返㖊日嘅平均买入价0.05元比的话，以达标走(68293)平均赚幅有17格或34%，比起㖊日用一小时行一趟Swing嘅收获多咗一倍，值得嘅。(呢一注将会以两个可获利幅度嘅平均数计入【月度报告】)
今朝恒指开市又嚟见升势，开市升191点，报18671点。可惜，烂泥始终都系烂泥，扶唔上柄都真系咩都讲唔过去。依家9点43分见指数升幅一度收窄至得130几点，依家有返140点升幅，18619点。
换个小时图上见，指数自7月6日裂口低开+争三点「平顶」出现后，至今仿佛行咗个「三角形」出嚟，再加埋保历加通道口收窄，咁啱啦，因为「三角形」同保历加通道口收窄背后都系有同一个意思，就系好淡争持/上落格局，依家好明显可以做嘅事只有一样：等。呢啲位出仓落场同买大细一样架咋。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论