【轮证下半Part】做定期都无咁闷

今朝见到条 $HSI(HSI)$ 绝大部份时间上落都系几十点，实在唔开胃唯有转去玩个股，成交弱唔捉 $Hong Kong Exchanges and Clearing(00388)$ 仲捉边个？所以都拣定只 $HS#HKEX RP2402A.P(67806)$ 出嚟，但今日系星期五。系嫌过Weekend麻烦架，所以简单啲谂住吼Slow STC(14,3)上到超买时出场，Swing一趟落到超卖就收工。

不过，成个朝早都未见过港交所五分钟图嘅Slow STC(14,3)上到超买位，最高都只系今朝10点15分时见两线上到70几，8字头都掂唔到就回；又咁讲，就算佢今日跌都唔系一仆一碌咁向下落，同指数一样都系慢升又慢跌。

依家1点11分，下半场开市后见恒指都仲系比较小幅走动，几十点嘅上落如果唔用高杠杆证去做Trade都真系连粥水都揾唔到食，随时落楼下行去银行做个港元定期都仲脑轻松过见到条指数。

既然如此，索性提早放自己放七一回归假啰！

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。