【轮证赢家】过夜熊小心日线暂见「平底」

上个星期五(6月23日)拣咗只 $UB#HSI RP2602K.P(67442)$ 出嚟，以五分钟图见Slow STC(14,3)上到超买时就小注出动，好贪心咁去博指数日线图保持向下，补返6月初个裂口。

终于等到下昼2点10分，Slow STC(14,3)上到超买至严重超买范围，按策略(67442)可以落场。以2点10分起计至2点25分期间， Slow STC(14,3)都Keep住处于超买位可以入场，(67442)期内高低位做过0.089元/0.086元，平均买入价为0.0875元。不过，上星期五尾市时段见 $HSI(HSI)$ 有一下抽高靠近19000点，证价缩到落去0.07X元，都咪话唔惊。

今朝返嚟指数见低开44点，开市报18845点，到正式开市后，指数用1点杀18800至18899点第一层熊证，呢度有相当于864张期指街货，其后指数于五分钟图见下影线抽高至依家9点48分见过高位19901点，仲将指数由跌转向升，依家升54点，报18944点，勇敢过Weekend嘅(67442)证价一跌返落去0.07X元水平。平常心，因为依家9点53分见返指数再次变红，(67442)证价又忽然抽返上去，依家证价0.086元，同平均买入价相约，唔想同佢颠嘅可以呢啲位走人算数，当无事发生。如果比多少少耐性嘅，就等返五分钟图见Slow STC(14,3)落返去超卖，当行咗一趟Swing Trade亦都可以。

至于keep住目前等指数补返6月初个裂口嘅话，依家10点2分恒指暂时低位都仲系18799点，同上个星期五嘅低位18800点出咗争一点嘅「平底」，呢个部份要留意一下啦。

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。