上个星期五(6月16日))拣咗只 $UB#HSI RC2511V.C(66731)$ 出嚟，连续第N日出动好仓，平均买入价为0.0515元，Set好以五分钟图20线作为量度线；反而无Set目标价，好似向来都系自己觉得够就走，然后一到量度线，有理无理都要走。
交稿时仲见 $HSI(HSI)$ 高位去到19999点，交稿后指数已经回完气上破20000点水平，作战室好仓一早部署好晒，一飙到上20000点之后大家陆续翻牌食糊，之后仲愈嚟愈贪，打算博到上日线图嘅100线，不过喺大约1点50分同1点55分，五分钟图见20153点「平顶」后都开始散埋个水尾；而指数亦喺2点10分左右稍稍向下至失五分钟10线，触发咗(66731)走货嘅讯号。以此起计10分钟作为走货时间，即由2点10分至2点20分，期内(66731)高低位做过0.071元/0.067元，平均走货价为0.069元，呢一趟平均大吃17.5格或33.98%；借问声呢个月系咪可以收工啦？
可能上个星期五指数抢到上20000点楼上，而日线图SLow STC(14,3)两线又见严重超买，今朝指数都要回一回，先低开56点，报19983点。到正式开市之后，指数向下再跌多几十点，预咗嘅，因为日线图100天线做紧阻力，但见五分钟图有100线喺下方等指数落嚟，同时小时图10线亦作势想托一托咁。
依家9点39分，指数变化唔大，目前跌74点，报19966点，作战室未有动静，皆因等紧指数向下回落到五分钟100线/小时图10线时佢出唔出触底，佢唔出触底嘅话，淡仓侍候。
嚟到9点44分，指数跌幅有见扩大，依家见跌138点，报19901点，作战室淡仓出动咗之后仍然步步为营，皆因目前五分钟图上见保历加通道口唔系拓阔，而系整条向下，所以随时要有心理准备佢会出Swing嘅情况。
至于喺呢度，继续用返小时图做阔少少时间嘅Trade。喺小时图上见上个星期五1点至2点同2点至3点呢两粒烛嘅高位分别为20153点同20155点，啱呀，争两点「平顶」出现之后，指数开始向下回落至依家9点51分见稍稍低过小时图10线。Slow STC(14,3)两线亦见有触顶情况；但换上保历加通道的话，目前见保历加通道口有收窄嘅情况，10线过到下望住中轴亦都有水位，或者市场都系静观布林肯喺中国同高层见面时会有啲咩言论/说话/消息传出嚟啫。
「咁即系出淡仓追指数小时图落返中轴啦？」策略上系嘅，但入位上，依家9点58分，五分钟图见Slow STC(14,3)两线落到超卖至严重超卖范围，盖整条保历加通道向下，所以Swing Trade随时有机会出现。安全嘅吼五分钟图Slow STC(14,3)上返超买位时先至出 $SG#HSI RP2403S.P(62527)$ ，收回价20468点，企高于熊证重货区20300至20399点，杠杆有约36.44倍系够做Day Trade。进取嘅，小注直入唔反对，因为依家已经过咗10点，指数摆位已经低于小时图10线啦。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论