㖊日将只过夜熊袋袋平安之后，就无再理到个市咁滞，事关都唔到我去理，横行情况持续至完场，明明个市系开紧都唔努力啲游两下，同呃饭食都无乜分别。
嚟到6月最后一个交易日，今朝 $HSI(HSI)$ 低开52点，开市报18881点，呢口价将指数再次推近牛证街货层，因为第一层已经系18800至18899点，呢度有相当于260张期指街货，而本身为重货区嘅18700至18799点，今日见里面已经有相当于1000张期指街货走咗佬，而18500至18599点嗰984张期指升咁上神台做重货区。至于熊证方面，第一层19200至19299点虽然同指数靠近返，但喺「市底弱，反弹只系开Put嘅入口位」之下，呢层已经变成最多新增+重货区。
依家9点46分，恒指由跌转升再升转跌都唔知转咗几多次就知今日系要斗耐性(大获！由细到大最缺嘅就系耐性！)
再等到依家9点58分，喺五分钟图上似见到指数有一个似样啲嘅方向，作战室等咗好耐见至出到第一离好仓，不过过一阵之后阿市又再见软皮蛇，咁样嘅市怪不得全地球都疯狂Put只 $Hong Kong Exchanges and Clearing(00388)$ 。
日线图上见，港交所股价于300元边皮生咗个「小圆顶」出嚟，颈线位放喺大约296元位置，五条平均线更系一早就无晒啦，10天线同现价仲有少少距离，落到嚟而做多次阻力的话，去返5月31日嘅低位282.2元都唔出奇；只系目前日线图见保历加通道口收窄中，暂时限制住股价下行空间。
唔计今日，港股已经连续七日成交额低于千亿，有心有力但无水都真系搞唔掂，万一保历加通道口唔再收窄，打平甚至重新拓阔的话，Slow STC(14,3)则有机条件出到超卖再超卖，咁就更加引人沽佢。
但系，做Day Trade嘅可以睇返简单啲。如常用的返五分钟图Slow STC(14,3)吼超买位出注 $HS#HKEX RP2402A.P(67806)$ ，收回价318元，同现价有逾6.7%距离，够安全架啦，杠杆有约14.18倍都够做Day Trade，简单啲Slow STC(14,3)由超买Swing落到超卖完成一趟可以收工，鬼叫今日星期五，过夜要过Weekend咩。
作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。
精彩评论