【轮证赢家】一开市行「三角形」

上个星期五(11月17日)以平均买入价0.026元买咗只 $BP#HSI RP2605O.P(59540)$ ，本身Set好以五分钟图10线做量度线架啦，佢有上过架，但两步路又被20线挡住，坦白讲只(59540)又未系好有肉食，反正整条保历加通道打横行，上移中轴作量度线亦都系平时见保历加横行时会用得上嘅量度线，少少转阵；但如果你唔系睇住个市嘅话，其实嗰10点嘅高度真系唔多觉。

下半场我都有嘢要做，一边做一边用手机睇住个市嘅走势，个脑大约记住条指数行到边、自己目标价系边、有无失心疯飞咗唔知边度外太空呢三样就得架啦。去到1点40分左右，眼尾望到本来跌370几至380点架嘛，忽然向下「大跌」20点见跌够400点有多㖞(系呀，㖊日条保历加底线至中轴得32点左右高，咁你话佢郁20点系咪已经好大比例啦)，呢个时侯先至放低手上嘅工作睇返个走势图(话就话Day Trade要睇到个市实啲啫，又未到于目不转睛嘅)，见指数终于向住日线图20线出发仲要到步㖞，(59540)走得。

如常用10分钟作为走货时间的话，按1点40分至1点50分期间。(59540)高低位做过0.029元/0.028元，平均走货价为0.0285元。平均执2.5格或9.62%，我下次会拣贴啲架啦。

呢两日失气都比较清凉，还好晏昼都仲有少少太阳，我家肥猫都仲可以晒住太阳暖少少，就连 $HSI(HSI)$ 都好似回暖返，今朝开市升171点，报17625点。不过嚟到依家9点49分，呢口开市价暂时变成指数今日高位，高开低走之下恒指依家升幅收窄至升125点，报17579点，不过，今朝指数开市首半个钟都仍然喺呢个范围上上落落，作战室第一注都仲有举棋不定，未有方向真系落唔到手。

小时图上则见指数喺首半小时出现「锤头」物体，下影线刚好踩住50线，而10线仍然压住指数，弹动不得。

返番去五分钟图就明啦，指数今朝上上落落用咗半个钟时间行出小型「三角形」出嚟，怪不得呢头想出好仓时指数又回，回到咁上下谂住顺势淡仓比出但指数又即缩啦。一开市就出「三角形」，仲要幅度咁窄，叫人点玩？唔通要玩到借日线图10/50线出淡仓望多次条20线咩？

作者阿珊，以技术分析专心玩轮证，唔贪心，努力赚取我家肥猫罐罐。