社区

㖊日醒半场对住条 $HSI(HSI)$ 都真系无乜办法，一起身就出个「三角形」，所以喺个股方向著手，拣咗只 $XIAOMI-W(01810)$ 出嚟，仲执咗只 $UB#XIAMIRC2508D.C(56418)$ ，以平均买入价0.086元落场后，Set咗用五分钟图嘅10/20线作下方量度线，不过就无Set到目标价，因为呢一注随时可以带过夜，博埋今日小米业绩。

睇返㖊日小米五分钟图走势，佢都真系算系叻，下半场恒指keep住借保历加下降通道向下运行，但佢就完全相反，keep住用保历加上升通道上行，最多都只系落一落过中轴后，喺下一个五分钟嘅烛已经爬返上去。

喺作战室战友们会不时交换一下身边得到嘅「情报」。无错，市场系由人所「创造」出嚟，要了解市场走势，最理想不过就系理解你身边嘅人嘅「变化」；即系三姑同六婆呢期喺个市度玩乜，而作战室就系收集喺范畴嘅三姑六婆嘅。

今朝指数甫开市升533点，开市报24679点，比3月7日高位24669点仲要高，呢口价亦都将首三层熊证街货全数收回，夹埋都已经有过千张期指街货，但好友今日对眼应该放喺24700至24799点嘅重货区，嗰度有过千张期指街货。

望下只小米，依家9点55分，小米股价一度高见57.2元，问鼎之前高位58.7元，五分钟图上见佢裂口高走，同之前Set定嘅10/20线量度线位梗系远啦，不过呢个钟数都开始见保历加底线向上，即整条保历加通道会变成向上运行，咁Swing Trade出现返嘅话，依家处于超买位嘅Slow STC(14.3)两线就有机会向下落。

Keep住借五分钟图10线作下方量度线可以嘅，但记得严守策略。

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。