社区

话咁快又到3月尾，即系今年嘅Q1都差唔多完，时间过得真系快，作战室又系时侯讨论五穷六绝今年会唔会出现；你呢?!你又觉得今年五穷六绝会出现吗?!

先唔谂咁远，望返今日条 $HSI(HSI)$ 先，开市先升59点，报23749点，喺作战室如常一早Mark定晒啲上/下方量度线位时，见到小时图 100线(23813)、五分钟图保历加顶(23796)同日线图20线(23776)，三条线嘅摆位都近，而三条线当中以日线中轴比较重要。指数今朝开市口价虽然著绿灯，不过都系企唔返上去；作战室今朝谂住偷一注好仓顺一顺个U盘都偷唔到，最后都系反手淡仓由得佢向返第一层重货牛方向走，10点未到大家都数住格仔先行离场。

10点后见小时图，摆位都仲系喺150线之上，而头顶本来100线喺度，但个势似乎10线要进来了，同步下方牛证第一层街货aka重货区虽然都食咗一半有多，但始终指数依家摆位都仲系同下方牛证比较近，按此出淡仓嘅胜算似乎比好仓都仲系高啲；只不过系见到佢10点打后转灯都仲密过我楼下盏红绿灯，胃已反。

望望月历，今日收市后 $BYD COMPANY(01211)$ 出业绩，之前由高位426.6元向下碌到落嚟依家390元，小时图上有见股价于50线接住，都接咗好一段时间啦，同时Slow STC(14.3)亦有见出触底，只系向上嘅斜度唔高。

换条保历加出嚟的确好一般，因为依家先开始有见顶线开始横行，慢慢扭返整条保历加向下嚟比个条件Swing Trade出现。

提早借定线而出 $UB#BYD RP2801F.P(55379)$ ，收回价430元，为市场最贴价牛证之中杠杆最高，有约10.7倍，下方量度线用返小时图50线啦！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。