社区

㖊日本来朝早拣定咗只淡仓出嚟，博 $HSI(HSI)$ 喺小时图上向下踩返住条10线，嗱！无话要佢完全破坏个走势，只系踩一踩条10线啫，佢都仲系喺保历加顶线同10线之间运行嘅。

不过，到㖊日上昼Patreon出完文之后再睇返个市，都已经向下落咗一浸，作战室班友仔啲淡仓都食完走人。于是喺【下半Part】反手拣只 $HS#HSI RC2707H.C(56547)$ 出嚟，用返最基本嘅方法去爬下格仔。

以㖊日【下半Part】Patreon出文时间为1点29分，如常的用0分钟去睇文，即于1点39分再睇返个走势图的话，喺五钟图上见Slow STC(14.3)有向住超卖方向走，及至1点55分已经到两线落到超卖位，再等到2点5分开始喺超卖位触底上，有得上先有得Swing，咁(56547)先有得落场。

同以10分钟作为买货时间的话，期内(54547)高低位做过0.08元/0.076元，平均买入价为0.078元。

借Slow STC(14.3)做一次Swing出好仓即系等返个五分钟图嘅Slow STC(14.3)上返去超买就可以啦。等到3点钟，开始见到Slow STC(14.3)入超买位，%K线到咗嘅，系争条%D线未到，但可惜两线未见一齐入，唯有再等。

少少心急架，因为唔Hold过夜嘅话得返一个钟唔够嘅时间去揾位甩货走人。还好等到3点35分，终于见Slow STC(14.3)两线上到80以上嘅超买范围，时间唔多，达标走人。

一样用返10分钟时间去走货嘅话，按期内高低位做过0.082元/0.078元，平均走货价为0.08元，呢一趟玩成个几钟得两格或或2.56%，我当自己执身彩，因为指数㖊日其实系行得好慢同无乜波幅。

都话严守策略好重要，如果嫌㖊日嗰两格咁少而无食到嘅话，带到过嚟今日反输廿格都似。今朝完U开市唔系跌好多，不过作战室都照顺U盘方向出淡仓掟过去。本来目标只系小时图10线，估唔到10点都未到贪心20线都做到出嚟，开市后掟出嘅淡仓仲未清，大家都出住风筝策略，就系等小时图20线确认穿，甚至补埋星期二(3月18日)嗰上升裂口(裂口底=17号嘅高位24352点)。10点未到，佢补咗啦，作战室嘅淡仓都亦都四散啦。

依家10点8分，指数低走穿过24400点之后火速向上反抽成百几点，不过仍然见到小时图条中轴线无咗之后有似变成阻力线。

$HS#HSI RP27111.P(64022)$ ，收回价25050点，企上去啲转字头位感觉安全啲，40.1倍杠杆都够做Day Trade。不过唔预呢一注淡仓会好似今朝落得咁快，反正日线个裂口都补咗，不如又试下用个小时图借中轴做上方量度线，Slow STC(14.3)方向向下。

Lock 10线做上方量度线；或者可以到你睇完文嘅侯，佢都真系会破返20线到10线，咁就换成借10线唔过而出淡仓。

甚至，五分钟图Slow STC(14.3)依家触底上紧嘛，到你睇完时又睇返个五分钟图条Slow STC(14.3)到顶向下未啰。

作者阿珊，以技术分析专心玩轮证，唔贪心，努力赚取我家肥猫罐罐。