社区

$HSI(HSI)$ 喺上个星期四(3月13日)低位见过23198点，下影线穿过中轴，不过翌日即刻弹返上去，日线图计，指数第二次Back Test中轴成功。

不过，要留意嘅系日线图上见条保历加通道虽然仲系向上，但斜度已经开始无2月初嗰时咁45度，同时保历加通道口一度收窄完依家再放返平衡，虽然Slow STC(14.3)于中轴有见转返向上，但基于收窄过所以顶同底嘅高度其实系收窄咗，变相恒指上/落嘅空间系被压细咗，Chok上Chok落嘅机会大咗，方向就难捉咗。

如果对指数处高位觉得佢都系要等一段时间先至会出现一个明确啲嘅方向嘅话，望望月历嚟紧又嚟一浸业绩排山倒海咁出嚟，星期二(18日)有 $XIAOMI-W(01810)$ 、星期三(19日) $TENCENT(00700)$ 、星期四(20日)就到长和系同 $CHINA MOBILE(00941)$ 。

近近地望住只小米(01810)先，Um...其实佢出乜都唔系重点，重点系市场点去解读。

纯以技术分析而唔理新闻(所谓嘅杂音)，小时图上有见小米于堆平均线上行出「小圆底」，再搭埋之前个「圆底」，「杯柄」成形。颈线位大约系54.35元。

换保历加见整条有似向上，Slow STC(14.3)两线亦有似于80前向上tick返上去，似乎系想博过颈线。

咁就过到颈线嘅话先至掟只小米牛(56418)，收回价47元，同现价有约7元距离安全架啦，有约6.8倍杠杆。如果部埋听日业绩嘅话，咁就借埋日线图嘅10线做下方度量线，只系要小心佢出「三角形」啫。

另外，上周有提过嘅 $POP MART(09992)$ 仍然看好，不赘(自己揾返啲文嚟睇啦)。今日股价再创历史新高，上个星期老Best Fila whatsapp问呢只嘢会唔会有机见150蚊；见到嘅话记得请食饭！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。