社区

今日无乜点追条 $HSI(HSI)$ ，尤其系上半场尾段时间，好鬼怕佢又行个「三角形」/「楔形」出嚟夹住...

所以朝变相走咗去睇个股，拣咗只 $XIAOMI-W(01810)$ 出嚟算是博明日出业绩可以炒一Round。

今朝有借个小时图喺上面画到一个「杯柄」出嚟，颈线位大约系54.35元。同步拣定只 $UB#XIAMIRC2508D.C(56418)$ ，Mark住条颈线如果过得到嘅话咁先至出场。

以今朝Patreon出文时间为10点14分，如常的用10分钟去睇文嘅话，则于10点24分再睇返个走势图，当时小米做紧54.6元，刚好向上高冲紧去颈线位兼有见稍过，(56418)可以出场。

同样用返10分钟作为买货时间的话，期内高低位做过0.088元/0.084元，平均买入价为0.086元。

落场后有见股价稍为向下回落，但还好有中轴线接住，半日小米收报54.8元，五分钟图上有见行出接近「圆底」走势；而(56418)证价亦见返0.088元。

不过，喺下半场要留意嘅系条保历加通道，皆因中午收市时见五分钟图嘅Slow STC(14.3)两线中%K线已经见90，而股价依家摆位接近保历加顶线，如果保历加通道口喺下半场唔拓阔比位股价向上走嘅时时，比个条件Slow STC(14.3)行超买再超买嘅话，咁(56418)都有啲难留。

Set好止蚀位几时都系需要嘅，咬紧少少用住五分钟图嘅中轴线都可以，反正同步仲有条10线喺条中轴重叠咗，睇下呢个两线支持接唔接得住；上方目标?!自己数格仔啦！线位高咗嘅话咪将下方个条量度线向上移高佢啰！

作者阿珊，以技术分析专心玩轮证，唔贪心，努力赚取我家肥猫罐罐。

想减低Day Trade失败率?!试吓揾作战教室帮你，直接去Patreon七日免费试用

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。