社区

今日平安夜，半日市，所以今日系唔会有【轮证下半Part】；BTW先祝各位圣诞快乐！

半日市下坦白讲对条指数都无乜特别寄望，但求佢唔好太肉酸收市过圣诞。 $HSI(HSI)$ 今朝开市升28点，不过重点系指数踩上19900点楼上开市，呢个位亦都系第一层熊证街货层。

依家10点未到，指数暂时高位见过20017点，升过百点，估唔到指数选择喺平安夜打20000点攻防战，作战室暂时都系以出好仓为主，皆因向上攻少少就已经杀到熊证街货。

今朝指数开市口价已经跳咗上小时图嘅50线，呢条线亦都系㖊日指数三次高走后留底上影线嘅位置，今日企得返，仲要保历加通道口有见拓阔情况，好仓出动再追的确可以。

只系有两样嘢啫，第一，10点后小时图见保历加通道口仍然拓阔，但同时Slow STC(14.3)两线都已经上到超买范围，要佢出超买再超买的话，咁保历加通道口一定要保持拓阔。

第二，五分钟图晨早已经被抛高高，作战室好仓都开始进行收割，如果稍后见埋佢嘅保历加底线向上，有似行Swing的话，咁只好仓当平时用Slow STC(14.3)行Swing一趟咁玩好啦。

$UB#HSI RC2709K.C(64717)$ ，收回价19650点，同现价有约350点距离，杠杆偏高低街货。

得返两个钟唔够嘅Trading hour，加油！

星期五(27日)见！

作者阿珊，以技术分析专心玩轮证，唔贪心，努力赚取我家肥猫罐罐。