【轮证赢家】小时图再企中轴线
上个星期五(12月20日)拣咗只 $HS#HSI RP2604O.P(64666)$ 出嚟，平均买入价为0.0235元，用返最基本嘅方法，就系借五分钟图嘅Slow STC(14.3)Swing一趟就收工。所以喺上个星期五嘅【轮证下半Part】已经Mark住如果五分钟图嘅Slow STC(14.3)出触底的话，咁(64666)亦都当完成一趟Swing Trade收工。
喺下上个星期五下半场1点50分见五分钟图嘅Slow STC(14.3)两线都触底向上并离开超卖范围，(64666)亦都响起走货讯号。如常用返10分钟作为走货时间的话，期内(64666)高低位做过0.032元/0.03元，平均走货价为0.031元，咁嘅市都可以平均执到7.5格或31.91%，真系要感谢主。
啱啱个周末相信都已经有唔少港人离港外游，作战室都有部份战友同家人出外旅行中，数返上去我去旅行都已经系疫情前嘅事，疫情后我家肥猫进驻，自此，我患咗「分离焦虑症」，唔紧要，我愿意。
今日为圣诞前最后一个全日嘅交易日， $HSI(HSI)$ 先开升122点，报19843点，但开市后指数动作高开低走出现，作战室亦都准备定等指数出转向讯号之后掟出淡仓，10点未够已经收咗格仔，兼重新再等下一轮走势。
10点后见指数小时图上因高开低走嘅关系，已经回落返去中轴线，Slow STC(14.3)仍然保持处于中轴水平，下方150线的确有见支持。
但系，不论喺呢个位出淡仓博指数向下冲过去150线，还是再借10/20线企好再向上高走多次100线，都系同买大细一样，都只系五五波。
都系谂下过两日喺屋企同我家老爷&肥猫点过好过。
作者阿珊，以技术分析专心玩轮证，唔贪心，努力赚取我家肥猫罐罐。
免责声明：上述内容仅代表发帖人个人观点，不构成本平台的任何投资建议。
关注我们