社区

上半场初段时间喺作战室同战友出过注淡仓之后，有再嚟反手好仓谂住 $HSI(HSI)$ 都可以行得下Swing，但可惜去到上半场后段都开始画到指数喺19800至19850点呢50点区间位做上落，行得慢就梗架啦，还好临完半场前指数都浮得到上19850点多少少，好仓总算有位可以甩到身。

年尾静局就预咗嘅，对于我哋呢班都仲睇紧市嘅人嚟讲，坦白讲全年成绩基本上都已成定局，呢几日执到格仔嘅都入作Bonus。

作战教室七日免费体验，直接去Patreon了解更多

个股方面今日比较逊色嘅应该系只 $TENCENT(00700)$ ，半日收241.4元，跌1.17%；而近期有喺文度提过嘅 $CHINA MOBILE(00941)$ ，甚至再早少少时间嘅圣诞钟 $HSBC HOLDINGS(00005)$ 都见同大市一齐著绿灯，半日分别报75.75元同74.9元，分别升0.53%同1.08%。

下半场开市后见指数变动亦都不大，目前先靠五分钟图嘅10线企住喺19850点呢个位，战友们有好仓嘅都借紧呢个条线，睇下指数有无本事再向上走多少少啦。

仍然都只系爬格仔中，而且区间位唔多，格仔亦爬得慢，如果你都落咗场嘅话，小心出咗注之后见个市唔郁，随时唔记得咗自己原来有货㖞。

作者阿珊，以技术分析专心玩轮证，唔贪心，努力赚取我家肥猫罐罐。

【🏆有奖投票】2024老虎香港社区年度繁星创作者评选开始啦，快嚟送你嘅“idol”C位出道！快啲去投票啦！