社区

今朝起身feel到比早几日仲要冻，睇新闻见今日得12度，系㖞，听日就系冬至，怪不得忽然再冻咗啦；先祝各位冬至快乐！

数数月历，计埋今日仲有4个全日+2个半日嘅trading day，咁今年就完晒所有嘅交易日，姑勿论大家成绩如何，但肯定嘅系又增加咗一年嘅经验值，赢嘅固然开心，输嘅就好好复习一下到底输乜，识得避开输就会知道点样赢架啦！

$HSI(HSI)$ 今日继续都系见红开市，但搭正9点半之后即转绿灯，依家9点44分，指数倒升上返19700点楼上之后，开始储力向19800点上，但暂时两次过19800点后未见企稳，作战室暂时都只系爬紧格仔，10点前指数都有三四次爬过上19800点楼上，好仓点都有位爬得到。

10点后见指数已经有六次企唔稳喺19800点楼上，喺五分钟图画咗一个50点嘅区间位，依家10点13分，指数有见向下过区间位底线，之前借区间位出淡仓嘅见过线都食糊先，系呀，有食好食啦。

至于小时图上见指数数今日摆位低于中轴线，暂时都只系得上影线过过中轴，Slow STC(14.3)于中轴水平有见再向下，但留意如果呢个位出淡仓先博指数以中轴线至底线向下运行返嘅话，咁都系望返住19600点啫，百零点水位，够买个圣诞蛋糕架啦！

$HS#HSI RP2604O.P(64666)$ ，收回价20000点够啦，同现价有约230点所以杠杆有约61.8倍，咁位唔多唯有用只高少少杠杆嘅熊证啦，系咪先。

作者阿珊，以技术分析专心玩轮证，唔贪心，努力赚取我家肥猫罐罐。

【🏆有奖投票】2024老虎香港社区年度繁星创作者评选开始啦，快嚟送你嘅“idol”C位出道！快啲去投票啦！