社区

隔晚美联储一如预期减息1/4厘，呢个都唔系重点，往往重点系之后鲍爷aka份议息声明UM，今次嗰份话出年减息步伐可能会减慢，搞到美股全线冧晒，其中道指跌过千点，亦都系10连跌。

连带今朝 $HSI(HSI)$ 都跌逾200点开市，指数一下季子压到落到19610点位置，开市后向下碌多10点清咗19600至19699点嘅牛证街货好少事啫，之后低开高走上，作战室今日系好仓行先；但都唔敢太贪，皆因小时图150线19690点)同前日最后粒烛嘅低位19700点相差不远，大家都系睇住线位嚟做Trade。

未到10点前先睇咗只 $CHINA MOBILE(00941)$ 先，继续用返日线图嘅小型「长方形」顶线作为下方量度线，今日股价受恒指下行影响，所以都有见跌嘅，但线还守住，只系要小心Slow STC(14.3)两线上到90以上嘅严重超买位，同埋暂时75.75元同今日暂见高位75.8元出咗争一格嘅「平顶」。变相 $HS#C MOBRC2706B.C(58847)$ 可以吼未穿线之前先食保正数。

10点后见指数于五分钟图有出「圆顶」走势，颈线位比返19600点可以，同步于小时图150缦确认成为阻力线，Slow STC(14.3)两线亦见keep住%K线低走于%D线。换埋保历加通道见整条通道向下中。

$HS#HSI RP2704Z.P(64571)$ ，收回价拣到20050点够安全，同现价有约350点距离，杠杆有约41.8倍亦都够Day Trade做，Lock住小时图150线做上方量度线，所以就系试下等一等指数五分钟图Slow STC(14.3)会唔会浮高少少，令指数再次贴近多一次小时图150线/19700点，唔过先借呢个位出场；进取嘅五分钟图10线压住指数就去啰~

作者阿珊，以技术分析专心玩轮证，唔贪心，努力赚取我家肥猫罐罐。

【🏆有奖投票】2024老虎香港社区年度繁星创作者评选开始啦，快嚟送你嘅“idol”C位出道！快啲去投票啦！