社区

啱啱嘅星期六晚，旧同事+圈内人传出一个消息，指我前前公司嘅「老板娘」Ms. S已经离开咗。还记得以前旧旧公司仲系喺香港区时，食完饭间中等𨋢会见到佢，同埋CFO，一啲架子都无。

由于我系属于杂志嘅财经组关系，而老总每次公司业绩都系派我出去，可能因为咁所以变成同CEO、CFO佢两个特别「熟」。

11年前嘅年底系我离开旧旧公司嘅时侯，唔知有几多人辞职派散水饼散到上去高层？我有，CEO同CFO当时知我离开杂志去做Online之后，记得佢哋拣完件饼之后同我讲：你喺出面学完之后要返嚟帮我哋手呀！我仲好爽快咁答你：好呀！

传咗两日嘅消息几唔想相信都总要接受，「老板娘」：如果你同CFO都仲记得呢个「承诺」嘅话，下一世要我做返记者又有乜所谓呢，但最重要嘅系你记得请我返入去做呀！

喺我仲未开始下一世之前，我要努力地拣好啲盘同增加我嘅知识，到下一世嚟到嘅时侯会变得更强！

所以，睇返个市。今朝拣咗只 $HS#HSI RC2709U.C(62971)$ 出嚟，由于出文嘅时侯已经见到五分钟图嘅Slow STC(14.3)都已经上到超买位，所以都讲定一系等 $HSI(HSI)$ 喺五分钟图踩住线见有支持先至出动；一系就索性等Slow STC(14.3)确认于超卖位出触底先至出动。

喺今朝上半场11点40分左右，见到五分钟图嘅Slow STC(14.3)两线于超卖位上%K线终于高走返条%D线，不过要去到临完场前五分钟见至确认得到Slow STC(14.3)两线出触底离开超卖范围。当然，如果进取啲嘅话，一见数字出触底走势就即刻掟好仓爬下格仔啦；但呢啲动作好难喺文章里面做，因为随时文都未出已经完成一趟。

按返策略做嘅话，一如以往的用用10分钟时间买只(62971)的话，按期内高低位做过0.045元/0.042元，平均买入价为0.0435元。

下半场半市至依家都未有半个钟，有见指数同Slow STC(14.3)齐齐向上行嘅，不过上行嘅动力又真系无下半场咁高，同时见到整条保历加通道整条向下兼通道口有收窄，安全起见(62971)如果上唔到中轴都好闪人，反正作战室上半场嘅先淡后好都食够lu。

作战教室七日免费体验，直接去Patreon了解更多

作者阿珊，以技术分析专心玩轮证，唔贪心，努力赚取我家肥猫罐罐。