社区

㖊日 $HSI(HSI)$ 真心闷，由10点起喺19500至19550点呢50点内横行至3点前，有一段时间仲被压缩到个区间得返30点添。喺3点打后指数先叫做比个方向出嚟，不过，都只系去到19600点，变相个区间多极都系得100点左右，嘿；但又咁讲，19500呢个位都真系几硬，姑且今日再睇下呢个位系咪接得住指数。

早个星期喺作战室同战友讲只 $HSBC HOLDINGS(00005)$ ，哈哈，仲同佢哋讲咗句「圣诞钟买汇丰」，结果被佢哋话我呢个系「透露年龄Trade」；是但啦，即使做女一但最后咪又系要演人哋阿妈(我终于开咗套《影后》睇啦)。

恒指今朝开市升51点，报19611点之后，如常的由五分钟图睇到日线图都见有啲量度线顶住指数，本来Plan定指数开市后就向下回，但反过来开市后第一棍出大阳烛，将指数推高到差不多到19700点之后见至再向下回，五分钟图「射击之星」出现之后，战友好醒地已经去咗淡仓。

仲有成11分钟先至到11点，但睇咗个小时图见指数虽然有企高过10/20线，但依家升幅已经收窄至升12点，

报19573点，变相小时图得返条上影线喺度，如果指数喺10点打后被小时图中轴顶返落去嘅话，咁又Lock得返19600点呢个位做顶线位，嘿，又变返好似㖊日咁；少少唔同嘅系，Slow STC(14.3)两线喺小时图上有见触底样。

10点后见小时图摆位当然低于中轴线啦，不过以呢两日指数都比较慢活嚟讲，用返个五分钟图嘅话，今朝「射击之星」出现之后，指数向下两次到中轴线上都未穿得过，而按保历加通道整条呈上，咁秤的话系出好仓比较似有方向。

$SG#HSI RC2708B.C(62069)$ ，收回价19228点，同现价有约350点距离，杠杆有约43.5倍，低街货嘛，五分钟图中轴线企好先至好出动；不然用返Slow STC(14.3)出触底先至落场，当平时一注Swing Trade咁做。

作者阿珊，以技术分析专心玩轮证，唔贪心，努力赚取我家肥猫罐罐。