社区

今朝 $HSI(HSI)$ 一上一落都叫做仲有啲波幅(微波啦~)，但系当BTC过10万美元之后，指数愈行愈窄，五分钟图嘅「平底三角形」行足一个朝头早，窄位确实系不易落场，除非你转身转得够快，即系呢头买完下一秒就已经Set定盘走人。

至于小时图上亦见指数Hea住喺100线位置，变动不大嘅时侯睇文嘅你今日一系专心工作，一系专心玩BTC，一系就好似作战室咁，成班战友围炉吹水；倾下倾下，然后又完半场。

下半场返嚟其实对个市都无乜期望，五分钟图上保历加顶至底高度连60点都无，指数容易掂一掂顶线之后再向下行两步又到底线，Set顶至底位置作好淡买卖轮流交替，咁就要呢头买完嗰头顺便Set好价；而如果换长嘅时间图打算时间换格仔嘅话，假如呢个下半场keep住横行等同白做无乜分别。

放过佢等于放过自己，睇完文好专心工作啦~

作者阿珊，以技术分析专心玩轮证，唔贪心，努力赚取我家肥猫罐罐。