社区

$HSI(HSI)$ 㖊日尾段愈升愈有，完U之后更系一杆爆上，将指数重新推返上19700点楼上收市，精彩。

㖊晚打打下机见电话出咗个Msg话南 韩宣布戒严，我家老爷听到之后都不禁 「吓」咗一声，我都要谂一谂自己有无读错，逐粒逐粒字读，真系无㖞。今朝睇返啲新问，原来㖊晚佢哋都有人冲击国会，嘿，感觉好似睇紧纪录片咁，似层相识...

Anyway，隔晚美股开市跌300点都唔知关佢事还是借势；不过恒指今朝都系低开，只系低开25点咁解，本身见指数都仍然靠近上方熊证，仲要踩住第一层熊+第二层见重熊，自己都有少少倾向系出好仓向上杀熊；但及至开市后见指数向下压嘅多，趁线未确认压得过之前，小小一注淡仓同战友一齐开出博压线。依家10点未到，恒指跌幅扩大至见1964x点，作战室已经开糊。

小时图上其实仲见到指数有借住10/20线作为底线向上行，「上升通道」都清楚见到，但摆上有少少尴尬嘅系，指数现时系靠近下方10线但又未确认踩得到架㖞，同步Slow STC(14.3)两线亦然处于超买位边皮嘅位置，到底应该偷依家呢个位再博向小时图10线先好呀，还是线未到即博好仓上呢？

计一计数以现时10点7分恒指做19685点计，10线为19602点，即两者差距为83点；但顶线位大约见1988X点，唔计都见指数向上走嘅空间系大啲啦。

$SG#HSI RC2707L.C(62034)$ ，收回价19208点，杠杆有约38.5倍唔系最高但胜在低街货，等一等小时图靠近得返去条10线而见有支持先至出动，皆因见五分钟图仲有似生紧条「下降通道」向下碌。

短线嘅，五分钟图Slow STC(14.3)超卖触底出动你识玩啦！

继续睇返只Pop Mart(09992)，拣咗Call(29100)㖊日借小时图10线守稳时出动，平均买入为0.2625元，同时Set咗20线作为下方量度线，博嘅系只Pop Mart有机会见返「红底」。

㖊日下半场见股价已经低走条10线，今朝股价已见重新回落返去中轴线位置，望望(29100)证价做紧0.243元，计一计暂时输8%左右，嗯，就Keep住用条中轴做量度线先啦。

作者阿珊，以技术分析专心玩轮证，唔贪心，努力赚取我家肥猫罐罐。