社区

今朝拣咗只 $HS#HSI RP2710F.P(61741)$ 出嚟，计划等小时图中轴唔过，指数遇阻再向下行嘅先至出手。

已经尽早出文，喺Pateon今朝出文时间为9点58分，再如常的用10分钟时间去睇文的话，即于10点8分再睇返个走势图，当时 $HSI(HSI)$ 已经入咗牛证重货区范围19000至19099点，而(61741)目标亦都只系呢一层重牛街货，因为指数摆位近重牛区嘛，换言之再博落去只系得50点水位，睇嚟再早出文都系捉唔到呢一注。

无嘢嘅，用返平时嘅Swing Trade方法的话，即系等Slow STC(14.3)上返去超买位时，出(61741)捉一趟向下嘅Swing。

等到大约11点钟，Slow STC(14.3)两线终于上到超买位，再等嘅系Slow STC(14.3)确认触顶向下，呢个情况就大约喺1120分见到。

如同平时一样，用10分钟时间作为买(61741)嘅时间的话，按期内高低位做过0.049元/0.047元，平均买入价为0.048元。

落场后喺五分钟图上面顺便见到指数出「射击之星」，都系一个开出淡仓嘅讯号。不过指数落到10线，再到依家午后1点39分前有稍为过中轴，但就系条Slow STC(14.3)未见低走过中轴以下水平。

头痕啦只(61741)，依家1点40分见证价做紧0.044元，对比平均买入价低4格，还好嘅一个幅度，呢啲位真系Set定止位，如果指数喺稍后时间再落多次五分钟图中轴又未穿嘅话，输少当赢好啦，反正呢近日嘅下半场都系横行嘅居多。

作者阿珊，以技术分析专心玩轮证，唔贪心，努力赚取我家肥猫罐罐。