社区

依家9点13分，睇返 $HSI(HSI)$ 日线图，成个10月Hea住喺20000点成个月，11月打后向下落到依家11月未完架，计埋今日都叫做仲有三个交易日架，一个月时间向下回落咗1000点，到19000点，跟住入12月粉饰窗橱，稳稳定定地行多两个星期再进入收炉mode，今个2024年就完啦。

预想图嚟架啫，但如果真系咁行嘅话，咁喺日线图上指数应该可以喺10线同100/150线之间再磨多三个星期就可以功成身退，反正Slow STC(14.3)都落个位数嘅超卖位，少少回住但唔抽得高就可以Hea住条指数喺现水平位置。

而㖊日拣咗 $XIAOMI-W(01810)$ 淡仓 $UB#XIAMIRP2707A.P(54829)$ ，本身系谂住等指数向下回落返去小时图27蚊/接近「平底」位有再向下突破的话先至出场，但睇返㖊日小米嘅走势，一支大阴向下之后就Keep住低幅度运行，未失「平底」之下所以无位出到只(54829)。

至于今朝恒指开市报19187点，升27点；唯指数呢几日开市后都系以低点数运行，技术上的确系有条件出好仓博触底向上，至少呢一刻见小 时图保历加通道口收窄+Slow STC(14.3)，Swing Trade玩法都仲系条件出现；但真系指数同下牛证实在太近，而且第一层19000至19099点嘅牛证亦都系重牛位，呢层有相当于900几张期指街货，技术 VS 街货，你话啦，往绩计边个赢嘅多？

$HS#HSI RP2710F.P(61741)$ ，收回价19680点，同现价有约480点距离，企远啲安全啲，杠杆有约33.7倍都唔差架，等小时图中轴唔过，指遇阻再向下行嘅先至出手。

仲有4分钟，10点。

作者阿珊，以技术分析专心玩轮证，唔贪心，努力赚取我家肥猫罐罐。