社区

㖊日拣咗只 $BP#HSI RP2804K.P(61546)$ 出嚟，平均买入价为0.0555元，Set好以10线为上方量度线，过线的话(61546)为保正数，即闪 。

喺下半场开市后5分钟已经见指数同Slow STC914.3)一齐抽高，由于当时同10线太近，所以 $HSI(HSI)$ 亦都好容易咁一Tick就Tick咗上去过10线，(61546)起身除咗话系10线到步之外，都可以话系怕咗下半场例闷而先走嘅。

如常的用10分钟作为走货时图的话，按期内(61546)高低位做过0.062元/0.057元，平均走货价为0.0595元，呢一趟都算快嘅，平均执4格或6.72%，和到手续费之余都仲有杯柠茶饮下嘅。

今朝未开市之前见期指向下一度失守19000点，而恒指今朝开市亦见红。不过，落场嘅你都可能会试过，忽然间有一种「感觉」话你知你应该出乜仓同点样出；今日就系咁忽然间唔顺U，反过来博指数低开高走，以好仓作为今日第一注。10点前指数一度上返去19200点楼上，不过刚好遇上五分钟图嘅100线，同埋小时图嘅10线，安全起见，好仓先爬格仔，之后过唔过线就等10点。

10点打后见指数集气再上，五分钟图见嘅「大阳烛」确实有料到，去到10点7分将指数迫到上接近19300点。不过就只系嗰一棍上到五分钟图嘅150线又嚟上影线...烦...

换下个股有乜好玩，揿揿下见到只 $XIAOMI-W(01810)$ ，依家(10点12分)做紧27.5元，日线图上见股价失守条保历加中轴，而呢条中轴亦系8月中以来守到依家，Slow STC(14.3)两线亦于超买位向下回落到中轴水平，终于都叫做有得博下小米淡仓，只系问题在于保历加通道口未见有拓阔，反而仲系收窄中。

Mark住只小米先，反正依家见佢小时图喺27蚊呢个位有似出「平底」物体，向下破得到呢个「平底」+保历加通道口拓阔有位瀡的话， $UB#XIAMIRP2707A.P(54829)$ ，收回价32元，企远少少安全啲杠杆都有7.1倍唔失礼，低街货亦都系佢另一卖点，袋住先，见位向下破先至出场。

作者阿珊，以技术分析专心玩轮证，唔贪心，努力赚取我家肥猫罐罐。