社区

坦白讲指数横行咗都好一段时间，闷到老娘我要向个股埋手；我谂如果你咁比面有追开呢个栏嘅话，应该十只手指数得出年内写过几多次个股。

㖊日捉咗只 $NVIDIA Corp(NVDA)$ Call之后，今朝再拣咗只 $POP MART(09992)$ 出嚟，皆因见日线「圆底」过颈线再上，同时保历加通道口拓阔+五条平均线顺序排列，属中线利好讯号。

由于泡泡系无牛熊证嘅，Put都无，所以只能拣住只泡玛Call(28810)出嚟，Mark住可以稍等股价向下回一回先至落场，毕竟一来冷门二来chur得太高又无Put。

依家1点22分，经过指数今朝失心疯向下倒落逾200点，依家进入第四层牛证区，入19200至19299点嘅范围之后，POP MART股价亦由今朝高位86.9元回落到依家见84.1元，五分钟图Slow STC(14.3)出咗触底，吼呢啲位入好仓沿用一贯做Swing嘅玩法，但只限即日。

不过，Keep住睇日线图嘅话，随时伕日高走系获利盘唔过夜嘅时侯，有耐性重新等股价回落「圆底」颈线位或者10线嘅其实都可以，反正(28810)系只Call，无收回风险；又反正冷门轮拎嚟做下Paper Trade亦都唔系坏事。

如果对冷门嘢无兴趣的话，就如作战室战友们一样，继续追住条 $HSI(HSI)$ 先啦！

作战教室七日免费体验，直接去Patreon了解更多

作者阿珊，以技术分析专心玩轮证，唔贪心，努力赚取我家肥猫罐罐。