社区

今朝拣咗只 $HS#HSI RC2709R.C(61083)$ 出嚟，借小时图「平顶三角形」玩住先，所以目标系吼指数回落到去小时图中轴之后出动，上望住「平顶三角形」/50线，因为两者摆位都比较近。

以今朝Patreon出文时间10点1分，一如平时用10分钟时间睇文，即于10点11分时再睇返个走势图，当时 $HSI(HSI)$ 刚刚落到1693X点，而小时图中轴线见19648点，即系踩到底线后开始有上，(61083)都系行快两步先得。

同以10分钟作为买货时间计，期内高低位见过0.055元/0.051元，平均买入价为0.053元。

似乎今日上天都好眷顾我♥，入场后唔驶等好耐指数忽然高抽，望住小时图嘅50线19756点，喺10点30分时已经上到仲有找。

同一落到站就有车可以上，唔驶等又唔驶追嗰种心情一样，仲要快到两个站后就落得车，(61083)任务完成，可以离场。

一样用返10分钟时间去走只(61803)的话，期内高低位做过0.063元/0.058元，平均走货价为0.0605元，即呢一趟持货时间拉到最尽只系30分钟啫，平均执7.5格或12.4%。

Back返只 $NVIDIA Corp(NVDA)$ 嘅 $SG-NVDA@RC2501A.C(10319)$ 先，记得因为NVDA嘅Call喺港股轮场上系属于冷门嘅美股轮，所以小注参与下，或者如果你系首次参与美股轮的话，Paper Trade feel下OK嘅。

同以Patreon出文时间10点1分，如同平时睇文一样用10分钟时间撚完之后，即于10点11分打后施施然落场嘅话，见(10319)嘅轮价都系0.154元/0.0151元呢个范围上落，均价计0.1525元。

还好今日星期四，博就系博今晚NVDA抽得返上去之后，都仲有个星期五开市进行收割。

望就咁望啦。

作者阿珊，以技术分析专心玩轮证，唔贪心，努力赚取我家肥猫罐罐。