社区

㖊日指数实在太闷，估计大家都系喺度等 $NVIDIA Corp(NVDA)$ 嘅业绩，所以拣咗只 $SG-NVDA@RC2501A.C(10319)$ 出嚟，睇下绩后出嚟有无得跟炒食一水。

今朝睇返NVDA嘅业绩，第三季净利润同每股盈利都胜预期；不过「胜预期」根本就系「市场预期」，因为市场系预咗佢会「胜预期」。

所以市场嘅焦点就落咗喺「新晶片Hopper及Blackwell系统存在一定的供应限制」，呢句嘢系NVDA自己讲嘅，亦都系市场「无预期」到嘅嘢，咁就对股价出现压力啦，美股收市后NVDA股价一度跌逾4%，最终都要见跌近2.5%。

本身㖊日见NVDA日线图出阳烛过10/20线，谂住股价可以借到绩优再上，挑战多次约149美元嘅筑顶位；而依家见NVDA股价，收市价145.89美元计，都仲守得住10线(145.81美元)同20线(142.55美元)，Slow STC(14.3)两线见转向上，咁(10319)都可以小注一博。

(10319)咩位入真系无乜所谓，因为根本都无乜嘢要赶。如同平时一样喺出文后再用10分钟时睇完文先入都可以，但申重呢单嘢真系小注好啦。

再睇返 $HSI(HSI)$ ，今朝指数跌58点开市，报19646点，五分钟图见一个裂口向下合理；但小时图见指数又跌返落去中轴线呢...指数11月18日上返小时图中轴之后，至依家一直都处于呢个保历加上升通道里面。

如果呢条中轴系咁硬净守得住指数嘅话，咁指数一到呢条中轴线出好仓，短线Keep住借条顶线，喺呢个区间游走下算啦。

$HS#HSI RC2709R.C(61083)$ ，收回价19220点，同现价有约450点唔好企咁近，指数呢一刻仲见好淡疯狂争持中，一阵失心疯爆单边揿都揿唔住就烦啦，杠杆都有35.1倍够做Day Trade，低街货都系另一个卖点。

依家9点58分，出得文再睇得嚟都10点打后，到时自己再睇多次个小时图，睇下呢个「平顶三角形」仲有无得玩先好出货呀。

作者阿珊，以技术分析专心玩轮证，唔贪心，努力赚取我家肥猫罐罐。