社区

今日并无拣到货出嚟，除咗自己今日第一注已经炒咗车之外，先系小时图㖊日留低咗个「平顶三角形」出嚟，至今日开市一边睇一边画线同样地都画到「三角形」。去到连一分钟图都系咁。

大家都知「三角形」走势比「长方形」更难，皆因 $恒生指数(HSI)$ 上下波幅只会愈来愈窄，比「长方形」框住嘅顶底线范围，可爬格嘅幅度愈来愈少。同时「三角形」亦有无限复活嘅生命力，去到最后尖尖位嘅时间，嗰种上落嘅幅度同乞食好似无乜分别...

作战室今日都只能踩住钢线爬格仔，即使用返远少少时轴图嘅小时图，见今日上半场除咗仍然卡住喺「平顶三角形」之外，「十字星」/「T星」亦都唔少。好淡争持到唔想郁咁滞，等咩呢？难道就系等今晚 $英伟达(NVDA)$ 嘅业绩？

作战教室七日免费体验，直接去Patreon了解更多

如果系嘅话，咁今日嘅下半场都可以唔驶玩啦㖞，还是大家都追住NVDA嘅业绩，博㖊日出完阳烛之后，借业绩造好上破10线，甚至再见历史高位的话，港股都有NVDA嘅Call做到嘅。

$辉达法兴五一购A.C(10319)$ ，行使价150美元，2.03%价外距离，杠杆有约5.88倍，最贴嘅价外Call兼且出年1月先至到期，受时间值影响比较低。

美股轮喺香港其实出现咗都好一段时间，但随著已经有唔少投资者自己都可以好简单地上网开个A/C有埋美股直接买嚟玩，所以变相成交一般嚟讲都偏少少冷淡，不过好歹佢都有杠杆喺度，同正股又系唔同嘅玩法嚟嘅。

作者阿珊，以技术分析专心玩轮证，唔贪心，努力赚取我家肥猫罐罐。