社区

㖊日拣咗只恒指牛(60397)出嚟，一直都系等紧Slow STC(14.3)落返去超卖位之后就出动，谂住Swing Trade一趟就算。

谁不知一等就等到上半场11点55分，先知见到Slow STC(14.3)落到去超卖水平，不过唔驶急，去到下半场2点20分都仲见到Slow STC(14.3)喺超卖位。(60397)真系可以施施然碎步出场。

按期内(60397)高低位做过0.052元/0.035元，平均买入价为0.0435元。

不过指数㖊日喺下半场见到10线比较大部份嘅时间压住指数，对于比较早段见Slow STC(14.3)出超卖位就入场嘅不利。

去到3点15分终于都见到Slow STC(14.3)两线上返超买位，较晏入场嘅借呢个位出货，一样用返10分钟时间嘅话，(60397)期内高低位做过0.043元/0.04元，平均走货价为0.0415元，呢一趟小输两格或4.82%还OK；而如果较早时段入只(60397)，去到段市见指数都仲上紧嘅话，注码唔大选择过夜其实唔系问题，反正日线图嘅Slow STC(14.3)两线都有所触底，博到一个上升裂口出嚟嘅话变返正数即走。

今朝起身天气明显清凉咗好多，还好恒指放晴，今朝开市报19699点，升123点，㖊日(60397)有过夜嘅，作战室都有战友手执好仓过夜食埋，成今日第一注正数。

望望钟依家10点10分，听住老友强少喺前辈范巧嘅YT平台嘅节目，见指数已经升幅缩到得返67点，做紧19645点，作战室其实喺开市后见19750点唔过已经开出淡仓并揸到依家，终于开始有格仔爬。

其实呢条线喺小时图上都画得到，仲刚好画到一个「平顶三角形」出嚟，只不过10线见19591点，其实同现价都只系争60点左右，免得出完文再睇完之后又已经完成踩线位，一系一口气上，一系卡住喺个「平顶三角形」里面。

的确，开咗市接近一个钟， $恒生指数(HSI)$ 行得都真系比较慢，都真系有少少怕指数会卡住喺个「平顶三角形」里面。Pick两只贴价少少嘅牛熊做一啲极短线Swing Trade： $恒指瑞银七十牛3.C(60842)$ ，收回价19428点，同现价只系得277点距离，所以有成53.3倍杠杆； $恒指摩通七九牛4.C(51254)$ ，收回价19250点，同现价有约448点距离，杠杆有约36.5倍。

Pick只贴熊但用只远牛嘅原因系：依家10点24分，指数已经将升幅收窄到升55点，报19628点，怕你睇完之后只熊证已经变咗远熊，远牛相对地变成近牛，捉得到Slow STC(14.3)转向上或者小时图10/20线接得住嘅，都叫做有只近少少牛用下嘛。

作者阿珊，以技术分析专心玩轮证，唔贪心，努力赚取我家肥猫罐罐。