社区

天文台一早讲过呢个11月会出现「四台联播」：完咗个「银杏」之后，上个生期先送走咗「桃芝」，今日已经准备定「万宜」，仲有个「天兔」嚟紧，或者应该要学识习惯11月系会打风。

今朝 $HSI(HSI)$ 开市升169点，开市报19595点。呢口开市价无乜特别，不过喺五分钟图上见Slow STC(14.3)两线于超卖位刚好出触底向上，作战室今日第一注热身注出好仓先，5分钟唔驶已经先爬格仔一趟；再唔驶15分钟，反手淡仓都已经做埋。

换个小时图见，依家9点46分，指数目前只系得条上影线穿过中轴， Slow STC(14.3)目前数值上重新再见%K线低走于%D线，本身喺呢度谂位出淡仓借小时图20线唔过，向下落望返住条10线嘅，但喺9点48分已经到线...um...今次我真系爱莫能助。

10点未到指数重新爬返上去19600点之后：再高走上19700点楼上，小时图20线重新再守返上去，Slow STC(14.3)两线向上亦表现坚挺。

$HS#HSI RC2711A.C(60397)$ ，收回价19250点，同现价有约320点距离，算是近近地所以Day Trade用；亦因为近所以杠杆有约52.9倍。

不过依家五分钟图上见Slow STC(14.3)靠住保历加通道口拓阔而Keep住上，小心一阵保历加通道底线向上之后，Slow STC(14.3)同指数就会见触顶向下，不利出好仓。进取嘅借住啲平均线或19700点企稳先至出只(60397)可以；安全嘅咪用返Slow STC(14.3)Swing Trade方法：超卖位时先至出好仓啰。

作者阿珊，以技术分析专心玩轮证，唔贪心，努力赚取我家肥猫罐罐。