社区

澄清单嘢先。就㖊日老友强少喺前辈范巧嘅YT节目上，约第45分钟「指控」🤣我家肥猫「愈嚟愈肥」一事，在此作出澄清🤣，无啲咁嘅事🤣🤣🤣

而如果㖊日按策略玩只 $HS#HSI RP2503V.P(55429)$ ，就真系月巴啦！㖊日拣拣咗只(55429)，喺上昼以平均买入价0.057元落场之后，一直都系借住五分钟图同小时图嘅10/20线持货。点都无谂到 $HSI(HSI)$ 呢一落竟然有冲向9月27日个上升裂口。

去到㖊日临收市前10分钟，指数同Slow STC(14.3)终于抽上过10线，同以10分钟作为走货时间的话，期内(55429)高低位做过0.12元/0.114元计，平均沽货价为0.117元，呢一趟玩足一日平均有60格/51.28%落袋。拿，明白咩叫做月巴未?!

今朝恒指再跌174点开市，报20144点，睇埋今朝牛熊证街货图见第一层牛证20100至20199点储到上逾900张期指街货咁多，以为佢都死梗，不过见近日指数开市初段都比较Chok，所以大家都只系心底里准备淡仓，但等到开市之后，再等多10分钟见指数低开高走，上过20300点楼上之后，即时转軚好仓掟出去，第一注一样都系以小注为主，见五分钟图嘅50线唔过，数住格仔收工。

同步，战友们你一句我一句已经一齐出晒淡仓追返指数向下，望望钟依家10点17分，一阵11点《施政报告》就嚟料啦，按照过去嘅「定律」，但凡有呢啲政策嘢个市都系会比较静。

仲有大约半小时就开波啦，指数一上一落之后有似于202xx点个位hea住等睇《施政报告》，心底里其实仍然都系以淡仓为主，喺作战室仲玩紧注长线淡仓添！凭咩忽然玩长淡？【轮证下半Part】续。

作者阿珊，以技术分析专心玩轮证，唔贪心，努力赚取我家肥猫罐罐。