社区

今届奥运热不逊于上届，开幕无耐江旻憓率先夺金，睇返佢赛后访问只系不断咁讲自己无再输，而唔系终于赢；真心欣赏呢种心态，不过都真系唔好忘记仲有其他运动员喺比赛场上努力中，不论有无得奖、取得边一个阶段嘅成绩，背后所付出嘅一定不会比其他人少。

经常喺作战室同战友讲：先唔好谂住赢，要谂唔好输先，因为Risk management > Take Profit，账面上两样嘢好似一样，但心态上系完全两回事；Maybe同「得返番半水」&「仲有半杯水」嘅谂法差不多。

$HSI(HSI)$ 今朝终于见到有一个比较大少少点数嘅开市变幅，升175点，报17196点，开市只有10分钟指数就将升幅进一步扩大至逾200点，一度高见17273点，呢个走势的确系五分钟、小时同日线图上都出现咗触底走势，即使今日见牛证仍然都系咁多街货，可能今日就系技术分析赢嘅一日。

10点打后见指数喺小时图上暂时力守条中轴，至于五分钟图上亦见指数高开低走中，还好作战室好仓见有战友今朝率先爬咗格仔，依家等嘅系第二个机会：五分钟10线守唔守到。

睇文的还是专注于小时图条中轴，皆因依家10点12分见指数有向下压过去嘅情况，望返今朝首半小时喺小时图上出嘅烛，未算是高位但亦都有疑似「陀螺」形态。而保历加通道口保持收窄仍然有Swing Trade发动条件存在。

坦白讲今朝开市都唔易玩，大家目前都只系格仔注，简单啲用返小时图嘅中轴作量度线出仓的话，企得住嘅 $HS#HSI RC2608L.C(56189)$ ，收回价16800点，企后少少同现价有约416点距离，杠杆有约5.1倍属同一收回价中最高杠杆；失线的话就 $UB#HSI RP2703X.P(65330)$ ，收回价17618点，同现价有约400点距离，杠杆约37.4倍，今日新上所以未见有街货。

五分钟图行紧「三角形」，所以出仓份外小心；安全嘅等个「三角形」行完先啦。

作者阿珊，以技术分析专心玩轮证，唔贪心，努力赚取我家肥猫罐罐。