社区

㖊日出咗只 $GJ#HSI RC2509G.C(56107)$ ，平均买入价为0.0485元。喺【轮证下半Part】度出文时都仲见到只(56107)证价报0.05元，磨得太耐走货嘅话真系瞧问题；借小时图中轴持货嘅，以㖊日下午1点打后嘅中轴线见17572点计，喺大约1点35分见指数失咗呢个位，如是者(56107)手多好仓玩完。

如常用返10分钟作走货时间的话，即于1点35分至1点45分期间走(56107)的话，按期内(56107)高低位做过0.048元/0.043元，平均走货价为0.0455元，呢一趟平均输3格或6.19%，都仲有一个可以接受嘅幅度嚟嘅。

望返个 $HSI(HSI)$ 日线图，呢几日指数嘅波幅都真系唔大，最多都只系得前日高低位有380点，㖊日仲衰得250几点，严重考验全员耐性。呢啲时侯通常就会拎个VHSI出嚟睇下到底指数仲要闷到几时。

今朝都已经喺作战室同战友们睇咗个VHSI，仲顺便讲多次VHSI系点用，呢度不赘。而想讲嘅系VHSI今日摆位见低于保历加通道中轴，又通道保持平衡中，Slow STC(14.3)都系向下中，所以VHSI都有出Swing Trade条件，即系佢都保持向下运行。

到依家9点53分，暂时指数都系偏向下行为主，都合理嘅，现价都踩住下方牛证街货而且比上方熊证重呢，所以今朝作战室策略都只系出一注同鱼蛋咁上下嘅Size，虽然小注但都Lock好借五分钟图中轴作量度线，然后由得佢放飞一阵，顺便借埋小时图画到嘅「圆顶」向下Set定两条颈线作目标，睇下发生咩事。

10点前后时间见指数已经到咗第一个目标价，战友都开始爬完格仔，重新返回工作岗位，皆因指数又再重新横行。

如果喺呢度用小时图借第一条「圆顶」颈线唔过而出淡仓再博指数落到第二条颈线的话，确实系唔建议，主要系水位真系唔多；换上五分钟图去爬格仔嘅话，一样都系要预咗唔系好多水位，分分钟同作战一样三数格就四闪人，讲得嚟你都未睇完文，所以今日大家不如休息一日啦。

作者阿珊，以技术分析专心玩轮证，唔贪心，努力赚取我家肥猫罐罐。