社区

望望月历，原来今日大暑，咁啱又撞正一号风球，但个风同香港都仲有九丈远；又咁讲，开始进入打风季节，希望仲可以捉得到恶劣天气仍然可以休市嘅尾巴！

啱啱呢个weekend呢个地球似乎又有啲事发生：这边厢拜登爷爷中咗COVID19之后，最后都系宣布唔角逐总统连任，由贺锦丽补上，哈哈，唔知点解单嘢有少少啲当年董伯伯咁；到另一边天光央行公告由今日起公开市场七日期逆回购操作，利率由1.8厘下调至1.7厘，重点系无讲到个额度。依家未完U架，为表高兴，So far黑期求期弹住100点左右先。

今朝 $HSI(HSI)$ 开市升47点，报17465点，及至开市后指数有气势地向上高冲至17500点楼上，可惜开市后2分钟都唔够已经出上影线，再望望钟依家9点41分，指数升幅已经缩到30点都无，长上影线出现，喺五分钟图上见住佢由大阳烛开始慢慢缩到变「射击之星」再变「十字星」，作战室淡仓亦偷偷出动。

然而，喺未开市之前已经同作战室战友画定量啲量度线。其中17376点呢个位喺日线图上面算是近期出现「脚仔」嘅地方，未到10点但指数已经重新踩住「脚仔」位，又入返17300至17399点呢个范围，即系牛证嘅地头，刚好呢一层亦都系牛证嘅重货区，过千张期指唔在讲，重点系向下望都仲有得食。

10点见小时图，保历加通道口有见稍为重新拓阔，指数阴烛向下落穿过咗之前讲嘅「脚仔」位，作战室第一注永远都系爬咗格仔先嘅，见依家指数有少少爬返上「脚仔」线位置，但下方牛证又实在太吸引，依家10点10分暂时低位做过17313点， $BP#HSI RP2702P.P(64703)$ ，收回价17730点，同现价有约400点距离，杠杆有约36.9倍够做Day Trade。

嚟到10点16分见指数跌幅又再收窄返，开始靠近返「脚仔」线，唔过线嘅(64703)先至出动；否则睇下有无机会当出一趟Swing Trade算啦。

作者阿珊，以技术分析专心玩轮证，唔贪心，努力赚取我家肥猫罐罐。