社区

今日拣咗只 $HS#HSI RP2605Y.P(54817)$ 出嚟，可以如常的用返五分钟图嘅Slow STC(14,3)做Swing落场；进取嘅又见中轴唔过就借佢阻力出场。

以今朝Patreon出文时间为9点55分，如常用10分钟时图作为睇文的话，即10点5分再睇返个走势图，见当时 $HSI(HSI)$ 有再靠近中轴水平，不过，未到中轴前100线挡路同时，指数本身亦出咗「平顶」喺17558点，其后指数向下，进取策略出动的话，(54817)喺10点10分起计见唔过线如常用10分钟作买入时间，期内(54817)高低位做过0.051元/0.046元，平均买入价为0.0485元。

恒指应该用每下愈况还是每况愈下去形容好呢？(我知呢两个词语系有分别但就永远都唔记得)，去到11点15分，终于连7400点都穿破，指数由㖊日踩住熊证第一层街货位到当刻踩入牛证第一层，望住嗰过千张期指嘅街货，仿佛闻到阵阵血腥味。唔知佢系想留嚟过中秋定点，指数掉头向上回返上去，及至11点40分更上返10线以上，有触及淡仓走货讯号，以此起计10分钟作为走货时间的话，按11点40分至11点50分期内(54817)高低位做过0.055元/0.054元，平均走货价为0.0545元，呢半个朝早平均执6格或12.37%。

近排每注执嘅格数唔多，平均都系五至六格左右，但几日加起上嚟廿格走唔甩，轻松无压力每日执啲执啲，一个月就储埋都真系唔少。作战室战友们大家都乐于呢种做法，始终小注长胜比大上落上，嚟得更定神同舒服。

🎉🎉🎉Patreon 全线 7️⃣日免费试用开放中🎉🎉🎉 https://www.patreon.com/join/cbbcwar

日线图上见，前日(9月26日)指数做出年内新低17379点，㖊日(27日)指数稍回两小阳烛，出咗低位「身怀六甲」，不过，到今日截至中午完场止，恒指低位见17380点，同前日嘅低位相约，如果连呢个小脚都站不住的话，恒指寻底之路继续；都啱嘅， $Tencent(00700)$ 同 $HKEX(00388)$ 被人洗到落去300蚊楼下， $MEITUAN-W(03690)$ 准备破今年低位， $JD-SW(09618)$ 屡创年内新低，友邦(01299)早两日几乎嗌佢见60蚊，汇控(00005)同中移动(00941)之前洗咗一浸，依家一个「我唔知！我睇唔到！」，另一个就「唔关我事！我唔清楚！」

最后仲有边个可以被人洗，陪恒指继续踩上寻底之路？你睇下阿里(09988)同网易(09999)，搭多只快手(01024)；唔够的话，洗到腾讯见200蚊头都仲可以。

睇住恒指对脚仔呀！

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。