社区

上个星期下半场真系闷到发霉，唔紧要，整体6月综合【轮证赢家】同【轮证下半Part】成功出到仓嘅计算，喺未扣除因交易而产生嘅费用下仍然录得正数，咁样嘅市有咁样嘅成绩，已经算是不错。 今朝起身睇新闻话耶伦婆婆会喺星期四至星期日(7月6日至9日)访华，同中国高层官员会谈，倾咩？唔知，不过膊头几粒花嘅会面，市场可能会揣测中美关系有望好番啲，恒指今朝早升86点，开市重上19000点楼上，到依家开咗市只系五分钟，指数已经飙升逾200点，现报19128点。再嚟到9点44分，恒指升幅已经扩大至升逾300点，最高见过19242点，同小时图嘅保历加通道顶线19251点，只系争9点。作战室头围好仓全部录得正数，正数到仲可以直接收工添。 Patreon作战室实七天免费试用已经开放！详见《轮证赢家》FB/Patreon 准备到10点时， $HSI(HSI)$ 高开高走后，依家稍稍向下回落，第一层熊证19100至19199点全数掰，呢层只系有相当于61张期指街货。不过，高冲过后系有啲代价，就系指数要向下稍回后，再衡量返边一边有力，然后再重新度过第二注点出。 依家10点5分，可能喺小时图保历加通道唔放行，喺保持横行情况下，指数高位掂到保历加通道顶线后就向下回落，目前恒指升幅略为收窄至升175点，报19092点，喺五分钟图上见整条保历加通道由今朝通道口拓阔变成依家整条呈上，指数同Slow STC(14,3)出现触顶向下，行Swing唔系问题，问题在于指数会用边两条线夹住自己嚟行Swing，顶线至底线行得最阔，但如果今日指数系有心再向上杀街货的话，用顶线至中轴亦都系可以。 $JP#HSI RC2512D.C(68070)$ ，收回价18800点，同现价约有400点差距，进取嘅先留意指数喺五分钟图上落到保历加中轴有支持就偷位出动，借中轴至顶线行Swing；如果中轴失守的话，唔紧要，仲有底线，或者等返Slow STC(14,3)落到超卖位然后出场，当平时咁行一趟Swing又得啫。 作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。