社区

㖊晚万众期待嘅 $NVIDIA Corp(NVDA)$ 业绩终于出炉，其实业绩好与坏，同之后股价走势，都真系任得个市场吹：业绩好嘅股价升系大家心目中会出现嘅嘢；相反业绩差股价跌都系一样，正常啦。

不过业绩好但股价跌，可以系市场嘅焦点放喺业绩唔好嘅部份，或者系管理层嘅引指，甚至系一句「借好消息出货」，你都吹佢唔胀；掉返转业绩差但股价升呢？咁咪数坏嘅时间过去啰。

说法嘅嘢台面嘅啫，台底要做嘅都反映晒出嚟，还好只NVDA未拖死埋恒指，可能今日有外卖仔 $MEITUAN-W(03690)$ 顶住个市啦，今朝指数开跌78点之后，向下一落穿17600点，先将第一层牛证街货17600至17699点嗰241张期指街货全线收回，期后指数上到(截至依家10点2分)见嘅17664点后重新回落返去接近开市水平。

望望钟依家10点6分，唉~ $HSI(HSI)$ 喺17600点前后开始吽住横行，不过见指数同下方牛证咁近又有啲街货喺度。

换个小时图见指数于10点打后摆位低于50线楼下，作战室淡仓咬住会放嘅，或者等睇SLow STC(14.3)转唔转返上去先再算啦，反正保历加通道口拓阔中。

$GJ#HSI RP2604U.P(64601)$ ，收回价17950点，同现价有约374点距离，同一收回价中迟高杠杆、低街货熊证。忍到手嘅睇五分钟图见指数上得返10线再被阻嘅先出都可以，志在想放松返少少条Slow STC(14.3)先啫。

作者阿珊，以技术分析专心玩轮证，唔贪心，努力赚取我家肥猫罐罐。