社区

240814 「市况好转，但错失入市良机」

先讲大市，SPX

由7月16日历史新高 5669.67 到 8月6日最近低位 5119.26 ，总共跌 550.41(-9.7%)，历时 15个交易日。

寻晚8月13日收市价为 5434.43，比最近低位升左 315.17(+5.5%)，历时6个交易日，距离历史新高仲有 235.34(-4.3%)。

SPX 及 NDX 收高于20EMA。而NDX的确系200SMA反弹，但系200SMA位置入货，都要坐多1%先会反弹，如果止蚀set得太紧早早会被洗走。

市况的确波动，呢D快上快落的风格，我都中左几枪。但短期内算回稳，应该有好多虎友都捞低成功大赚一笔快钱。

继续唔估方向，我睇下一个阻力位系8月1日的高位，而如果回头再跌，最近既支持位就系8月6日既低位。

操作方面我都入左少少货，暂时主力都系TLT，另外PSN及留意紧既LMT。

不过今日想讲下我错失左两个黄金机会，第一个系META，系8月10日分享过，佢系其中一只系呢次跌浪中表现最好的一只，当晚亦有试过买入但不成功，于是眼白白由$510 升到寻晚既$528.54，升幅大约3.6%，的确有D饮恨，期间呢几日都争扎追货但主观觉得风险大太而无追，但你问我回调会唔会追货，我谂未必会。

第二只系寻晚SBUX，好消息爆升，而在头5分钟已经见到爆量，当刻有考虑过沽空，但系较早前自己订左规则，只操作正股及只买不沽，所以放弃沽空念头，避开左沽货输钱，反而掉头买入短炒，的确执到少少。事后回望反而觉得浪费机会，虽然我地唔知消息系对股价有乜影响，但巨量成交下亦表示大量资金因此涌入而能保持升幅，其实可以解读为睇好及支持，应该坐耐少少。不过操作上要有耐性，第一系唔好急于推止蚀，因为寻晚买入为$92.6，止蚀为$90，但如果系升到$94时将止蚀推上至买入价，好快就会打中止蚀，之后先飞上去，但如果开仓后set好止蚀唔睇，今朝就会见到一个几好既回报。手法上唔系一定A就A、B就B，系要灵活及睇下个出发点，好似我而家觉得蚀左个机会，但因为我出发点都系短炒而结果系满意，然后事后回望下睇下点改进，下次有机会时手法上就可以再灵活D。$标普500(.SPX)$  $纳斯达克100指数(NDX)$$Meta Platforms(META)$  $星巴克(SBUX)$