社区

奥运嚟到今日第五日比赛，港队已经夺两金一铜，恒指今日都似乎想一齐夺金，望望钟依家1点13分，见指数升逾300点，一度攀埋日线图条10线。

今朝拣咗只 $JP#HSI RC26096.C(65520)$ 出嚟，计划借小时图企好中轴出动，只不过系今朝 $HSI(HSI)$ 上行时有啲醉酒Feel，所以千叮万嘱注码上要留意一下。

以今朝出文时间10点21分计，如同平时一样用10分钟时间去睇文的话，则于10点31分再睇返个走势图，见指数已经进一步向上攀升到17200点以上位置，小时图中轴守得住之余，亦开始见到出一支比较大嘅阳烛，如同平时一样用10分钟作为买货时间的话，按期内(65520)高低位做过0.063元/0.056元计，平均买入价为0.0595元。

必须承认落场嗰位的确系有啲高追，落场后指数稍回但幸好10线接得住。随后指数再上，喺大约11点25分于五分钟图见指数借到10线向上兜底成功出到「圆底」之余仲过埋劲线，半场高位17375点咩高追都变成废话。

不过到咗下半场开始，指数于高位亦见横行，令到保历加通道亦出现收窄。再望下个钟见依家1点34分，目前五分钟图有10线算是守得住，同步20线向上准备同10线重垒咁款。

下方量度线放喺五分钟图20线唔反对，更好收网更加赞成，自己数住格仔啦；作战室又系晨咁早收晒工啦。

最后，感谢大家支持将呢个专栏喺今个月终于都推到上第一名

我家肥猫今日为入屋三周年及五岁生日，先到佢”荣登榜首”忽然有种”阿妈的感动”

希望大家都养得猫猫健健康康，亦多谢大会及大家的支持。

作者阿珊，以技术分析专心玩轮证，唔贪心，努力赚取我家肥猫罐罐。