社区

㖊晚张家朗再度夺金，与对手门得难分难解，打紧张，睇的过瘾；何诗蓓再次站上颁奖台上亦令人感动，期待你下一仗出战再创佳绩。另一方边亦欣赏到拿度及祖高域大师级对决嘅一场单另网球，令人惊喜嘅系估唔到北韩嘅兵兵球原来咁强！

如果美开美股嗰班，应该今日都无乜嘢，反正呢啲时间都未起身。但应该绝大部份嘅港人今日朝早都系如常的早起返工，希望你喺返工嘅车程上可以补一补眠。

睇返个市。㖊日见 $HSI(HSI)$ 企于小时图中轴楼上，所以派出 $HS#HSI RC2608L.C(56189)$ 应战，平均买入价为0.048元。同步Set好借五分钟图10线作为下方量度线，有咩唔对路先闪为上。

喺下半场开始之后20分钟，指数虽然仍然定住喺高位，不过摆位上见低走于10线，所以喺严守策略之下，(56189)需要离场。

如同平时一样用10分钟作为走货时间的话，即于1点20分至1点30分走货，按(56189)期内高低位做过0.062元/0.059元，即平均走货价为0.0605元，呢一趟平均执12.5格或26.04%，已经唔系等收市咁简单，直头可以直接等放工再返屋企睇奥运。

今日为期结日，真系唔好以为期结日「老凤」一定系升，睇返今日指数低开4x点之后，到依家10点指数跌幅扩大至逾200点，17000点穿过嘅，所以首两层牛证街货又被全数收回，重新将16900至16999点嘅牛证街货推返上变成最贴价牛证街货层。

作战室淡仓又见陆续收割，同时大家都留返一注风筝注喺度等睇指数确唔确认向下穿17000点。

喺小时图上见，依家10点10分，指数确认重新走返落中轴以下水平，Slow STC(14.3)两线亦都保持向下，指数已经确认穿过17000点但又真系未穿得实，喺小时图借得到上个星期五(26日)尾段时间嘅低位，大约个范围都系1699X至1700X点呢个水平，一旦确认穿过嘅话，见保历加底线16884点都唔出奇。

同步，指数再次走返靠近牛证街货层，又嚟贴近重货区之前，淡仓出动确实合理，只不过都要留意返五分钟图指数落到呢个位，都要小心一下佢会出Swing Trade可能。

喺五分钟图拉定底线，同作战室一齐等过线， $CT#HSI RP2504Q.P(65311)$ ，收回价17400点，同现价有约388点，约40倍杠杆好刺激架，稍等Slow STC(14.3)弹返上超买位先出当然可以，进取嘅借五分钟图啲10/20线唔过而出都得，但提多句小心17000点今日会打攻防战(依家都打咗差不多半个钟啦)

作者阿珊，以技术分析专心玩轮证，唔贪心，努力赚取我家肥猫罐罐。