社区

今朝拣咗好/淡仓各一只，主因系 $HSI(HSI)$ 于小时图上企住喺中轴线，所以就要等睇指数企喺中轴线边一边而决定出边个仓。

以今朝出文时间10点24分，如常用10分钟时间去睇文嘅话，即于10点34分再睇返个市，五分钟图画咗「三角形」喺今朝篇文都已经画咗，而睇返走势图嘅时侯，指数重新踩返五分钟图10线楼上，至于小时图条中轴就更系未失过， $HS#HSI RC2608L.C(56189)$ 可以拎出嚟啦。

同平时一样，用10分钟时间落场的话，于10点35分起计10分钟出只(56189)，期内高低位做过0.05元/0.046元，平均买入价为0.048元。

落场后初段时间都系见指数Hea住喺条五分钟图10线之上，但去到11点打后见指数开始发力，再到11点20分时更见指数上破17300点，直至11点35分时见高位17340点见半日高位兼出争一点「平顶」后先至稍稍回落，午前指数仍然企于五分钟图10线之上；而保历加道道亦重新保持平衡向上，Swing Trade继续。

指数今日上行被战友形容为「庆祝江旻憓夺金而升」，嘻嘻，如果真系嘅话咁恒指系咪要准备升两个星期？

下半场开市后仍然见到指数守于五分钟图嘅10线楼上，咬紧少少(56189)借佢嚟做下方量度线可以，反正嚟到呢个位点都正数啦！

Patreon全线七日免费体验，立刻前往FB/IG/Patreon搜寻「轮证赢家」了解更多

今晚轮到张家朗出战，凌晨仲有何诗蓓，香港运动员并唔系腊鸭！

作者阿珊，以技术分析专心玩轮证，唔贪心，努力赚取我家肥猫罐罐。