社区

㖊日拣咗只恒指熊(65097)，当指数第一下穿过17000点嘅时侯就收网走人，呢一趟平均有6.5格或12.87%。

及至3点10分指 $HSI(HSI)$ 向下失多次17000点，算是第二个唔过夜走(65097)嘅机会，而第二次失守比第一次失守时，指数摆位仲要再低多少少，(65097)证价最高见过0.063元，应该可以食多几格。

恒指三连跌，都咪话唔关「乡下」疑似加息令到啲Yen出现拆仓潮有关。下个星期三(7月31日)BOJ就议息，到时姑且再睇下佢会加几多、之后想点加、买债 规模减几多、之后又想点再缩先算。都系嗰句：成个世界嘅股市唔系单边走咁痴线，总会有上上落落嘅时间。

仲有1分钟先至完U，作战室一早睇过埋今日嘅街货图同Review埋㖊日嘅日缦/小时图摆位。今日牛熊证街货图仍然见到下方牛证储住几层过千张期指街货，上方熊证则仲瘦过我家肥猫。

走势图同街货图都睇晒之后，就会发现今日其实系街货 VS 技术分析嘅日子，准备喺作战室出开市前策略嘅时侯，坦白讲我今日系有偏向出好仓：一来三连跌17000点失而复得，二来数住之前每日都吞几千张期街货，点都应该今个月凑够数。当然目前见到牛证咁鬼重真系唔可以掉以轻心，所以到最后都系等恒指开咗市之后，mark住嘅一啲量度线位过咗之后，先至开出好仓。

10点未到作战室第一注好仓已经完成，仲有绒分钟先至10点，呢啲时间大家都常食完第1Round之后都会等10点打后嘅小时图摆位摆成点，之后再度第二注出嚟。

睇返恒指暂时最高见过17229点，争21点先至可以爬得返上Fibonacci嘅0.5水平，又喺日线图上见指数㖊日踩住「下降通道」底线+保鸟历加底线后，今日暂时(9点58分止)出咗「身怀六甲」出嚟；当然，今日都仲未过，未知最后仲成唔成形嘅，只系纯綷开心有战友答得到佢系咩形态，姨姨陪感安慰。

10点打后终于见到小时图踩返上10线楼上水平，只不过指数暂时于1722X点呢个位遇阻，所以喺小时图上都见到阴烛出现。无事嘅， $HS#HSI RC2608L.C(56189)$ ，收回价16800点，同现价有约400点距离，杠杆约35.8倍，借得到小时图10线嘅话，小注出动借Slow STC(14.3)睇下上唔上得返去Fibonacci嘅0.5楼上。

唔得嘅咪 $HS#HSI RP2704R.P(65160)$ ，收回价17636点，同现价有约430点距离，杠杆有约33.7倍。两边都拣系因为今日随时用五分钟图出Swing仲有肉食。

作者阿珊，以技术分析专心玩轮证，唔贪心，努力赚取我家肥猫罐罐。