社区

真系，一样米养百样人；一个市场喂住几百样老散，呢期市闷唔再讲，今朝都有睇到条VHSI，应该都会继续唔开胃，不过作战室沉著气的都仲可以力挽狂澜，格数唔多但仍然有位爬得到。

都系嘅，好多人都谂住快上快落几下，然后从中出仓再快手爬格，咁样做完一Trade嗰种快感比赚钱嚟得过瘾，然后又可以拿拿声重回工作岗位，到之后有时间再睇嘅时候，又博佢快上快落，自己又做到快闪党，尝多一次嗰种「快感」。

事实上真系唔系个个都有咁嘅时间，或者个时间同大市咁「吻合」，变相呢啲市可能真系啱佢哋玩：用小时至日线图捉大方向出仓后 > 工作 > 过一段时间返嚟再睇 > 有格仔捞到，跟手离场。今日作战室比较大部份嘅都系呢种玩法。

Patreon全线七日免费体验，立刻前往FB/IG/Patreon搜寻「轮证赢家」了解更多

「咁咪同平时用小时图做佛系注差唔多？」时间上有少少分别，如果爬格仔系等于豹，而佛系注系树懒的话，咁上面所讲嘅呢种方法，就可能系猫仔，介乎于两者中间，亦都可能系比较大多数打工仔会「适合」嘅时间：无会开老细无叫你而又比较有啲时间得闲望下但系唔能够长时间开始个芒怕被同事知道。

下半场开市， $HSI(HSI)$ 目前于五钟图上见被中轴仲系顶住，作战室做咗一朝早猫仔之后都开始见躺平状，一来巳经正数咗，以「过咗海就系神仙」嘅说法，佢哋巳经升咗神(哈哈)；二来保历加通道收窄中，喺1点12分量度过顶至底只系得63点。

大家应该可能食紧Lunch架？继续食啦，慢慢食。

作者阿珊，以技术分析专心玩轮证，唔贪心，努力赚取我家肥猫罐罐。