社区

坦白讲呢两日DT都真系几难做，唔系行得慢嘅问题，挨时间但方向啱都真系事少，最惨嘅系挨时间嘅同时仲要挨技术位，好似今朝咁牛熊各拣定一只就系挨紧小时图嘅中轴线，最后虽然企于中轴楼上，按策略计系可以出 $GJ#HSI RC2509G.C(56107)$ ；但所谓嘅挨技术位，就系当线出仓后，佢就只系停留喺上面，躺平磨住条线，连少少斜度都无，咁先至心烦。

呢啲情况，Day Trader真系好易「濑嘢」，主要系无支「无比膏」喺手可以止痕，见到有少少方向谂住偷位出动博 $HSI(HSI)$ 行下，随时一入就被困，唔好彩嘅左右两巴掌先至出返嚟市场，身心俱疲。

唔止你，我都会，作战室里面所有人都会，因为我哋同你哋都系一样，只系人一个，对住咁样嘅市又乜可能唔会燥底？但燥底都无办法，唯有学习等待适合嘅时间先做适合嘅事，佢睇我唔到时我都时运高咩都睇唔到，休息一两日个市唔会无咗之余，Day Trader都要放假嘅(几难得有嘅假期~)，所以呢两日作战室都「难得放假」(只系大家都各自专心工作或专心同家人去旅行啫，我都仲留守大本营嘅)。

Patreon全线七日免费体验，立刻前往FB/IG/Patreon搜寻「轮证赢家」了解更多

如果要落场嘅，就更加要学习沉著气应市，自己内心烦燥不安，莫讲话对住个市，求其对住个地下(系，耷低头就会见到嘅地下)你都想闹爆，30几度大热天时真系唔好搞啲咁嘅嘢。

今朝Set好借小时图中轴线出仓，由于出文时见指数卡住喺中轴线，所以先拣定恒指熊(64738)同恒指牛(56107)。睇下指数放喺边就出咩应市。

以今朝出文时间为10点20分，如常的用10分钟作为睇文时间的话，则于10点30分再睇返条恒指，当时见指数17565点，五分钟图Slow STC(14.3)出咗触底，而小时图当时中轴位为17589点，摆位计指数仍然处于中轴线以下，但五分钟图Slow STC(14.3)见触底，亦都唔系一个出淡仓嘅时机。

纯以五分钟图嘅Slow STC(14.3)做Swing Trade的话，当时的确可以比只好仓出去博一趟，安全嘅见五分钟图当时有唔少平均线喺指数头顶，作战室亦安全起见等上到线之后先至比出好仓。

其实等多五分钟的话，即11点35分，其实指数反方向上破返小时图嘅中轴线，咁就更能肯定(56107)上返线+五分钟图借埋Slow STC(14.3)触底而出动。

以10点35分起计如同平时用10分钟入货的话，期内高低位做过0.051元/0.046元，平均买入价为0.0485元。

到依家其实已经下半场开咗市大约7分钟左右，小时图上见目前指数仍然企于中轴线以上，速度比电车更慢；唔系，咁系侮辱咗部电车...

Anyway，Lock好小时图中轴以守(56107)，唔肯定今次可唔可以用时间换格仔，因为连少少斜度都无。望望只(56107)现时证价都有0.05元，趁未有事发生而Cover到手续费走人免被困可以；望下出面个天今日都几好天呀！咁嘅市咪困住自己喺个场里面啦！

作者阿珊，以技术分析专心玩轮证，唔贪心，努力赚取我家肥猫罐罐。