社区

㖊日拣咗只恒指熊(64703)出嚟，平均买入价为0.0245元。嗰一注都等到下半场五分钟图见Slow STC(14.3)向下回落时先至出，但亦都讲明当时五分钟图嘅保历加通道口只系横行中，除非通道口有见拓阔，否则(64703)都只可以严守Swing Trade嘅策略，就系见Slow STC(14.3)出触底之后就走人。

喺下昼大约1点45分，见Slow STC(14.3)已经出返触底向上，无计，度过当时保历加通道口，顶至底其实高度只得70点，所以真系连转身都难，呢啲Swing Trade配合格仔盘就会好少少啦。

如同平时一样见Slow STC(14.3)出触底走(64703)，都系用返10分钟时间走货的话，期内(64703)高低位做过0.028元/0.025元，平均0.0265元，几乎系这边厢入，那边厢走嘅格仔注平均有两格或8.16%，算是执身彩。

粗略统计一下自己呢排都系上半场trade得好过下半场，好难话系个市下昼唔郁上昼郁所以先至有咁咁结论，之但系又真系事实㖞...

依家9点18分，作战室战友陆陆续续出现互相打个招呼，之前已经同佢哋睇咗今日嘅牛熊证街货图同埋日线&小时图，Mark定好啲位等一阵完U后摆阵。

终于出咗开市口价，升43点，开市报17679点，以呢口价计指数仍然都系靠近熊证街货层，不过今日见嘅熊证街货都真系有啲弱，下方牛证㖊日仲有13点生命值嘅17300至17399点，今日返嚟都仲有900几张期指街货喺度，虽然比㖊日系少咗，但900几真系一啲都唔少。

及至开市后见指数有向上高走至17700点楼上，不过首五分钟都未完已经留底咗条上影线喺度，「射击之星」样出现，作战室开出淡仓。

10点未到见恒指倒跌50点，现报17585点，五分钟图上亦见保历加通道终于都拓阔比位指数行，只不过作战室Mark住嘅都只系极短线用日线图100线做住第一站目标，保本及爬格仔为上嘅战友已经率先收网。

睇呢篇文嘅你换个小时图出嚟见，喺10点7分见指数刚好架于中轴线之上，咁就要等啦，就真系要等指数系借住中轴再抖完啖气，保持返目前Slow STC(14.3)上行嘅走势再去，还是无力再上而向下再回，望返住啲重货方向走。

低于小时图中轴线的话， $HS#HSI RP2704H.P(64738)$ ，收回价17950点，同现价有约365点距离，杠杆约42.9倍为同一收回价中杠杆最高；企到嘅，咪 $GJ#HSI RC2509G.C(56107)$ ，收回价17200点，同现价有约388四距离，杠杆有约38.2倍，都系同一收回价中杠杆最高。

依家10点17分，指数开始跌深咗，留意依家五分钟图见Slow STC(14.3)开始出超卖再超卖，小心呢个钟指数架于中轴线咁仲烦。

作者阿珊，以技术分析专心玩轮证，唔贪心，努力赚取我家肥猫罐罐。