社区

㖊日基本上由朝早11点15分开始一直至下昼3点15分，五分钟图上面嘅Slow STC(14.3)都系处于超买范围，如果以平时做Swing Trade玩法的话，㖊日拣嘅 $HS#HSI RP2704F.P(64227)$ 基本上任何一个时段都可以出场。不过，有少少难为嘅系咁长出货时间要Hold咁耐货，中间仲要指数上返去17800点楼上。真系好容易会出现止蚀走人嘅动作；除非你系等到3点15分打后见Slow STC(14.3)出现触顶向下兼重新失守17800点而摈只(64227)的话，咁就有得倾。

唔好唔记得，仲要见到3点几呢啲时间真系随时要过夜㖞。经常同作战室嘅战友讲：过夜唔重要，重要系你要预咗第二日瞓醒之后只证会被打靶嘅情况出现，所以呢啲时侯出注鱼蛋咁上下嘅注码好啦。

今日 $HSI(HSI)$ 低开百零点之后，一步踩入第一层牛证街货层仲要得返3点生命值，作战室全员淡仓倾巢而出，到依家10点7分早已收割晒兼开始认真工作：一系全清安心做嘢(真系唔系个个都可以咁样长时间开住电脑/电话睇图睇市)；一系得返只风筝喺度由佢放飞。

时间嚟到10点13分，指数都喺174sth度徘徊咗好一段时间，五分钟图上见整条保历加通道开始向下行，战友反手偷位好仓都食埋，真系大颠！

至于小时图方面，之前画过嘅7月11日上升裂口今日已经补咗，Slow STC(14.3)两线保持向下，而保历加通道口亦都已经停止收窄，开始转变成整条向下中。喺无晒其他平均之下，都真系唯有借一借之前做过嘅低位嚟拉一拉出嚟做量度线先。

暂时，小时图上见指数处于粉红色同紫色线之间，的确预咗指数开始慢行兼随时出现Swing Trade可能，窄位之下 $CT#HSI RP2504C.P(64698)$ 比出原因得两个：博17400至17499点呢层牛证慢慢食埋佢；睇下借唔借到小时图Slow STC(14.3)落到超卖水平。

过粉红线的话，咁就预咗今日恒指工已收。

作者阿珊，以技术分析专心玩轮证，唔贪心，努力赚取我家肥猫罐罐。